2 TIMOTEUS 2:7 - BOWOT BOHUA

⁷ Ngumang ohrih, inon ijo ahku monyapaioh rih, kotului Tuhan ahkan nonga ahkan'mu kosanggupan ahkan horahti paringoh.

2 TIMOTEUS 2:7 ပူးပေါင်းရင်းမြစ်များ

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

LUKAS 24:45

Pongohuli Yesus nguap tiruk iro ahkai horahti kohondak Surat Borasih.

LUKAS 9:44

‘‘Nohtoani pio-pios tutang ara nolingou tuhtui-tuhtui-Ku tuh: Anak Ulun ahkan tonosorah, ahkan kowasan kolunon.’’

YOHANES 14:26

Tahpi Roh Pohotala, Pondohop ijo ahkan sonuhu Amai ngasan arak-Ku, Iorih ijo ahkan majar ihkam, koparingoh tutang mopingatoh ihkam ahkan paring ijo jari Ahku monyorihtaoh ahkan'kam.

YOHANES 16:13

Tahpi amat Roh orih lombut, yorih Io ijo ngorinah komorong tohou Pohotala, ihkam ahkan toniting-Oh ahkan ngosono paring komorong. Io eam ahkan bopander tahkan arop-Oh bongoi, tahpi nuhtui inon ijo jari konahan-Oh, tutang Io ahkan mborihtaoh ahkan'kam, inon ijo ahkan nyolung ang ondou pongo.

KESAH RASUL-RASUL 7:10

tutang moliwus io tahkan kokaron kosusahoh. Pohotala nonga ahkai hadat tutang kopios bosara aang ohkot io noharep Parou lahca Misir, nyiring Parou potuot io monjadi gubernur lowu Misir tutang ngowasa istana Parou.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

1 TIMOTEUS 4:15

Nguaniourih paringoh rih umba tu'u-tu'u mangat komiar'mu tonopahjah bain paring ulun.

2 TIMOTEUS 2:6

Pongumo ijo jari bogawi paham, io ijo sulak-noparaoh bohak norima bua kombulan.

2 TIMOTEUS 2:8

Ingatrih tuh: Kabar Hinut ijo ahku mborihtaoh rih anairih kabar tohou Yesus Kristus, lihit Dawid; Io rih Kristus ijo jari bolum hoduli tahkan popahtoi.

IBRANI 12:3

Cuba nirukrih, koloukuwoh koporosoh Yesus noharep ulun-ulun bodusa, ijo molawan-Oh hawui kolourih sangit! Bain rih ara kuik ahtoi tutang putus asa.

IBRANI 13:7

Ara nolingou umba okon-okon'kam ijo monyorihta pohtoh Pohotala ahkan'kam. Nohtoani rih koloukuwoh iro bolum, tutang koloukuwoh iro mahtoi, tutang nyuturih koporocaya iro.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

IBRANI 7:4

Jadi ihto nohto ang ohtoi, eaminon kohajoioh Melkisedek rih; io kolourih kohajoioh nyiring Abraham, amai tahtu ajuh uhtus ihto, nonga ahkaioh sepersopulu tahkan kokaro angihco ijo tongorabutoh tahkan kolahi orih.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 3:15

Kopihtaran mahcam orih eam asar tahkan soruga. Io asar tahkan kolunon, tahkan kojolik ulun tutang tahkan sehtan!

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 YOHANES 5:20

Ihto ta'an ijo Anak Pohotala jari lombut, tutang jari nongaoh kohorahti ahkan ihto, mangat ihto kosono Pohotala ijo morong. Ihto bolum hihco umba Pohotala ijo morong, tutang bolum hihco umba Anak-Oh Yesus Kristus. Tuhrih Pohotala ijo morong, tutang tuhrih pombolum ijo sojahti tutang kototahiu.