2 TIMOTEUS 2:2 - BOWOT BOHUA

² Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

2 TIMOTEUS 2:2 ပူးပေါင်းရင်းမြစ်များ

MATEUS 13:52

Turus Yesus nuhtui, “Bain orih nyinong guru agama, ijo ius monjadi barih Pohotala, sama umba ihcobehti tepun lohpou mopolua tahkan unuk ponahtouoh, ponahtou-ponahtou bohua tutang usang.”

MATEUS 24:25

Jadi ingat rih! Ahku jari nyiar ahkan'kam labih soun, houn umba ang rih nyolung.

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

1 KORINTUS 4:2

Ijo pahtu-pahtuk tonutut tahkan pohalu ijo kodorih, iorih ijo io bokehtep umba tuanoh.

2 KORINTUS 2:14

Torimakasih ahkan Pohotala! Io toturus niting ihkai ahkan umba aang pawai komanang Kristus, tului ihkai bolum hihco umba Io. Pohotala mohapa ihkai, mangat borihta tohou Kristus tosiar kolou buan harum ijo semerbak koumo-umoh.

2 KORINTUS 3:5

Ihkai eam tepun aangihco alasan ka, ahkan ngorinah ijo ihkai puna nyanggup nguan gawi tuh, tahpi Pohotala ijo nonga koulih rih ahkan ihkai.

KOLOSE 1:7

Hal orih tonyapai ahkan Konduang bain Epafras, jolahan ijo ihkai ngasihoh. Io anairih ponggawi Kristus ijo te'et bogawi ahkan kogunan ihto.

1 TIMOTEUS 1:12

Ahku ngohawot torimakasih ahkan Kristus Yesus Tuhan ihto. Io jari nonga koba'as ahkak'ku ahkan mohalu Io, tutang Io ijo ngohu ahku layak ahkan gawi orih,

1 TIMOTEUS 1:18

Timoteus anak'ku! Gawik'ku tuh, ahku morocayaoh umba'kam mongingat ahkan pohtoh Pohotala ijo tonuhtui bain nabi-nabi aang ukup tohou arop'kam. Kohondakrih pohtoh rih monjadi bohahti bagi'kam, a'ang kolahi ijo hinut.

1 TIMOTEUS 4:14

Ara ihko langak hapa pononga tahkan Roh Pohotala ijo tononga ahkan'mu, ang ohkot okon-okon ukup ngina longon iro ang ngosan kuhung'mu, tutang nabi-nabi monyiar pohtoh Pohotala tohou arop'mu.

1 TIMOTEUS 4:6

Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

1 TIMOTEUS 5:22

Ara dalou join ngina longo ngosan ihcobehti ulun, guna nahtap ponuotoh kolou pohalu Tuhan. Amat ulun bohkon bodusa, ara umba taput a'ang dusa orih. Jaga arop'mu mangat tahtap borasih.

1 TIMOTEUS 6:12

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

2 TIMOTEUS 3:10

Tahpi ihko jari nutut ajaran-ajaran tahkan ahku, hadat aik'ku, tutang tihtun pombolum'ku, ihko jari nohto bongom, koloukuwoh ahku tu'u-tu'u porocaya umba Yesus Kristus, tutang ngasih sosama kolunon. Ihko ka'a ta'an kosabaran tutang kotabah'ku.

2 TIMOTEUS 3:14

Tahpi tohou ihko, Timoteus, hondakrih ihko tohtap nambit aang ajaran-ajaran ijo morong ijo jari tonongajar ahkan'kam tutang ijo ihko porocaya sotuwioh, tului ihko kota'an iai guru-guru'mu.

IBRANI 2:17

Jituh rimai ijo Io harus monjadi sama umba konduang-konduang-Oh a'ang kokaro hal. Tutang umba orih Io dahpot monjadi Imam Hajo ijo bokehtep tutang pongasiponyayang. Umba pohalu-Oh rih dusan kolunon dahpot tonapun.