2 TIMOTEUS 2:18 - BOWOT BOHUA

¹⁸ Iro jari nyapang tahkan ajaran ijo morong, tutang monderoh koporocaya 'sobagi ulun. Iro nyorihta ijo komonyun tahkan popahtoi jari nyolung.

2 TIMOTEUS 2:18 ပူးပေါင်းရင်းမြစ်များ

MATEUS 15:13

Yesus mutah, “Nyinong kombulan ijo eam konombulan bain Amai-Ku ang soruga ahkan tonyohpit.

MATEUS 22:29

Yesus mutah, “Ihkam koliru samasino, bain ihkam eam solembang umba Surat Borasih, oluka kowasan Pohotala.

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

KESAH RASUL-RASUL 5:39

Tahpi amat orih lombut tahkan Pohotala mahka Konduang-konduang eam ahkan dahpot ngalahoh iro. Malah tou ahkan gihtan ijo Konduang-konduang molawan Pohotala.’’ Tingak Gamaliel rih tonorima bain Majelis.

1 KORINTUS 11:19

Puna jari kopahtutoh lombut kopisah ang louk ihkam, mangat gihtan noin ia-iai ulun Kristen ijo sojahti.

1 KORINTUS 15:12

Amat ijo ihkai mborihtaoh rih, iorih Kristus jari tonombolum hoduli tahkan popahtoi, ombai anai tahkan louk'kam ijo nuhtui, ijo ulun mahtoi eam ahkan tonombolum hoduli?

KOLOSE 3:1

Ihkam jari tonombolumoh hoduli hombo-homboh umba Kristus. Bain orih harus ihkam bousaha ahkan ngondahpot hal-hal ijo ang soruga, ang amoh Kristus moretah hihco umba Pohotala.

1 TIMOTEUS 1:19

Hokolahi sambil nambit aang koporocaya ijo morong tutang umba ahtoi bua ijo borasih. Anai ulun-ulun ijo eam poduli ahkan auh ahtoi buaoh, nyiring lonyuh koporocayaan iro.

1 TIMOTEUS 6:10

Kotului tahkan kasih umba duit, lombut karo mahcam koja'at. Anai 'cobagian ulun ijo hodulu duit nyiring jari eam numbun hino ajaran Kristen, turus iro tonopahas aro kokarot ijo molonyuh ahtoi'ndo.

1 TIMOTEUS 6:21

Kotului anai ulun-ulun ijo ngohawot ijo iro tepun pongotaan rih, nyiring mohiwang tahkan ajaran-ajaran Kristen ijo iro porocaya lomoi. Keleh Tuhan mborehkat Konduang-konduang! Amen. Horomat ihkai, Paulus

2 TIMOTEUS 2:14

Hondakrih ihko mopingat ulun-ulun tohou paringoh tuh. Ang toharep Pohotala, ningakohrih iro mangat a'ai somba'an tohou istilah-istilah. Orih eam anai gunaioh, malahan tihkas nderoh ulun-ulun ijo ngonihoh.

TITUS 1:11

Ulun-ulun kolouorih harus tomangop bauioh, tului iro monderohrih aro bobuhan umba ajaran-ajaran ijo eam-eam. Iro nguan orih, tihkas kotului kani ngurah utung ijo eam pantas!

IBRANI 3:10

Orihrih kotuluioh Ahku bosingi toharep iro tutang Ahku nuhtui, ‘Iro turus eam bokehtep, tutang nohkas mone'et poretah-poretah-Ku.’

YAKOBUS 5:19

Konduang-konduang'ku! Amat ang louk ihkam anai ihcobehti ijo eam monutut hino ajar tahkan Pohotala, turus ihcobehti ijo bohkon ngomin, ulun rih hoduli nokuh Pohotala,

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.