2 TIMOTEUS 1:9 - BOWOT BOHUA

⁹ Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 1:9 ပူးပေါင်းရင်းမြစ်များ

MATEUS 1:21

Maria ahkan nganak ihcobehti anak bahkas. Anak orih pahtut ihko napa arai Yesus, tului Io ahkan nyolamat ulun-ukup-Oh tahkan dusan'ndo.”

LUKAS 10:21

Aang ohkot rih ka'a, Yesus jorih tului konowasa bain Roh Pohotala. Yesus nuhtui, ‘‘Amai, Tuhan ijo mongowasa langit tutang tana! Ahku norimakasih ahkan-Mu, tului paring orih Ihko ngulimoh tahkan ulun-ulun ijo pitar tutang boilmu, tahpi Ihko ngorinah ahkan ulun-ulun ijo eam pitarhorahti. Orih ijo ngojorih ahtoi Amai.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 17:9

Ahku bodo'a bagi iro. Ahku eam bodo'a bagi kolunon, molekan bagi ulun-ulun ijo jari Amai nongaoh ahkak-Ku, tului iro anairih ain Amai.

YOHANES 6:37

Paring ulun ijo tononga Amai ahkak-Ku ahkan lombut nokuh Ahku. Ahku eam ahkan nulak iai ka ijo lombut nokuh Ahku.

KESAH RASUL-RASUL 15:18

ijo jari mborihta ang rih pahtukoh lomoi.’’

KESAH RASUL-RASUL 2:47

Iro turus nara-nara Pohotala tutang tongonjorih paring ulun. Nyinong ondou jumbalah iro turus botambah. Tului Tuhan nonga rahat iro ulun-ulun ijo puna ahkan tonyolamat.

RUMA 11:14

Ahku moharap ahku dahpot polombut hiri ahtoi aang uhtus aik bongok, mangat umba jalan orihrih ahku duon nyolamat ihcokobagi tahkan iro.

RUMA 11:29

Tului amat Pohotala mitih ulun tutang mborehkat ulun rih, Pohotala eam pu'u nguhut huli inon ijo ius konuai-Oh.

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 9:11

Sounumba duo behti anak rih konanak, Pohotala jari nuhkas pitih-Oh ahkan hototurusoh. Pitih Pohotala rih eam bogatung umba inon ijo duon konuan bain ulun, tahpi bogatung umba pona'ah Pohotala bongoi. Tului aang ohkot koduo anak bahkas Rabeka rih jaham duon nguan aang'co ijo pios ata'ai ijo ja'at.

RUMA 9:24

Ihto ijo jari tona'ah-Oh, eam baya tahkan uhtus Yahudi, tahpi ka'a tahkan uhtus ulun bohkon.

1 KORINTUS 1:18

Kotului ahkan ulun-ulun ijo nihtu korusak, borihta tohou popahtoi Kristus aang sopolahki, monjadi panderkouong. Tahpi ahkan ihto ijo nitu solamat kobain Pohotala, borihta rih puna tu'u caraoh Pohotala ngorinah kowasai-Oh.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 3:11

Pohotala nguan rih tohorong umba rancana-Oh ijo kototahiu, ijo tononguai-Oh hawui nguha Kristus Yesus Tuhan ihto.

PILIPI 3:14

Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.

1 TESALONIKA 4:7

Pohotala na'ah ihto, eam mangat ihto bolum kihal, molekan mangat ihto bolum umba cara ijo ngojorih ahtoi-Oh.

1 TIMOTEUS 1:1

Timoteus, anak'ku ijo sojahti ang luwang Tuhan! Surat tuh tahkan ahku, Paulus, rasul Kristus Yesus ngosan poretah Pohotala, Ponyolamat ihto, tutang ngosan poretah Yesus Kristus koharap ihto. Keleh Pohotala, Amai, tutang Yesus Kristus Tuhan ihto nonga borehkat, pononganasi tutang kosanang ahkan'kam.

2 TIMOTEUS 1:1

Timoteus anak'ku ijo tonongasih! Ahku, Paulus, nyurat surat tuh ahkan'mu tutang bokoharap, keleh Pohotala, Amai tutang Tuhan ihto Kristus Yesus nonga borehkat, pononganasi tutang kosanang ahkan'mu. Ngosan konohuang Pohotala, ahku tonotuot monjadi rasul Kristus Yesus, tutang tonyuhu ahkan mborihta, tohou pombolum ijo tonobowot Pohotala. Pombolum orih ihto torima tului kohihco umba Kristus Yesus.

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.