2 TIMOTEUS 1:7 - BOWOT BOHUA

⁷ Kotului Roh ijo Pohotala nonga ahkan ihto, eam rih Roh ijo mawi ihto monjadi pomihkoh. Tobalikoh Roh Pohotala orih nguan ihto monjadi ba'as, tuwi umba kasih tutang dahpot nahan arop.

2 TIMOTEUS 1:7 ပူးပေါင်းရင်းမြစ်များ

LUKAS 10:19

Ngota'anrih! Ihkam jari Ahkunonga kowasa ahkan ihkam duon nihjak lohi tutang kahtipkala tutang molot kokaro koba'as musuh, earo anai angihco ka ijo duon mocolahka ihkam.

LUKAS 15:17

Kojoriaioh io borondong tutang nuhtui, ‘Ulun-ulun ijo bogawi aang unuk amai'ku holowi-lowi uhkuioh, tutang ahku ang ohtoi nyiring mahtoi bolo'u!

LUKAS 24:49

Tutang Ahku bongok ahkan ngirim ahkan'kam inon ijo jari tonobowot bain Amai. Tahpi ihkam harus tahtap ngindoi ang lowu tuh, nyiring kowasa tahkan Pohotala monyokuwung ihkam.’’

LUKAS 8:35

Turus ulun-ulun soluka ahkan nohto inon ijo nyolung. Iro lombut nokuh Yesus, tutang ang anan iro nyombang ulun ijo jari, bokuhkoi tahkan roh-roh ja'at rih, rahat tuot doni pa'an Yesus. Io jari hopokajan tutang tirukoh jari morong. Iro monjadi mihkoh.

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

KESAH RASUL-RASUL 26:11

Bojoin tu'u ahku nyiksa iro ang lohpou-lohpou sombayang, mangat momaksa iro ngulim koporocaya ijo inon iro jari porocayaoh. Kodorih kolasut ahtoi'ku toharep iro, nyiring nokuh lowu-lowu bohkon ka ahku tulak ahkan hodulu iro ang anan.’’

KESAH RASUL-RASUL 26:25

Tahpi Paulus mutah, ‘‘Ahku eam bobucon, Ijo Tonohoromat. Auh-auh ijo ahku ngohawot orih morong tutang soluka tahkan tiruk ijo hinut.

KESAH RASUL-RASUL 6:8

Stepanus paham toborehkatoh bain Pohotala, nyiring io nguan aro kahtahelan tutang hal-hal luar biasa, ang louk ulunaro.

KESAH RASUL-RASUL 9:22

Tahpi Saulus sasar ba'as pongarohoh. Tanda-tanda ijo io nyorihtaoh tohou Yesus kodorih moyakinoh ijo Yesus rih Lahca Ponyolamat, nyiring ulun-ulun Yahudi ijo mohcon ang Damaskus eam duon samasino molawan.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

RUMA 8:15

Tului Roh, ijo tonongaoh bain Pohotala ahkan ihkam, eamrih napa ihkam monjadi jihpon nyiring ihkam bolum ang luwang kihkoh. Tobalikoh Roh Pohotala rih, ngonjorian ihkam anak-anak Pohotala. Tutang honong kowasa Roh Pohotala rih, tona'ah Pohotala rih, ‘‘Abba, io Amai'ku!’’

1 KORINTUS 2:4

Borihta ijo ahku nyiaroh ahkan'kam, eam ahku nyapaioh umba tuhtui monyak nyaling numbun kohorahtin ulun. Tahpi ahku monyiaroh rih umba cara ijo korinah, ijo Roh Pohotala bokowasa.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

KOLOSE 1:8

Tahkan iorih ihkai ngonih ijo honong kowasa, tahkan Roh Pohotala ihkam dahpot saling mongasih.

IBRANI 2:15

Umba cara orih, Io momordehka ulun-ulun ijo kotahin bolum tohojihpon, tului mihkoh ahkan popahtoi.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 YOHANES 4:18

Ulun ijo nginyam asin Pohotala, eam mokomo anyam anai kihkoh; tului kasih ijo soporuna moponihou kokaro nanyam kihkoh. Jadi, korinah rih ijo ulun bolum nginyam sitan Pohotala honong soporuna amat ulun rih mihkoh noharep Ondou Ponosara.