2 TIMOTEUS 1:4 - BOWOT BOHUA

⁴ Ahku ingat ahkan kosedihan ahtoi'mu. Orihrih kotului-Oh ahku jolik samasino hosombang umba ihko, mangat ahku tou moro-morong monjadi jorih.

2 TIMOTEUS 1:4 ပူးပေါင်းရင်းမြစ်များ

YOHANES 16:22

Kodorih ka'a umba ihkam: Huntuh ihkam susah ahtoi, tahpi Ahku ahkan hosombang hino umba ihkam, mahka ahtoi'kam ahkan paham kojorihoh; tutang eam ihcobehti ka duon ngomin kojorih rih tahkan ahtoi'kam.

YOHANES 16:24

Nyiring ohkot tuh ihkam jaha nyawot ino-inon ngosan arak-Ku. Nyawot iou, mahka ihkam ahkan monorima, tului kojorih'kam jari soporuna.’’

KESAH RASUL-RASUL 20:19

Honong randah ahtoi tutang aro nusuhdanum mahta, ahku bogawi ahkan Tuhan, ang tohun-tohun karot ijo ahku nginyamoh tului tiruk ja'at ulun-ulun Yahudi.

KESAH RASUL-RASUL 20:31

Tului orih bojaga-jaga! Ingat ijo tolu toun kotahiu hawui aro danum mahtotumbak, hondou homalom ahku eam pu'u tondo majar nyinong ulun tahkan ihkam.

RUMA 1:11

Tului ahku jolik samasino hosombang umba ihkam, mangat ahku duon mbagi umba ihkam, pononga tahkan Roh Pohotala ahkan ngoba'as ihkam.

PILIPI 1:8

Pohotala kota'an ijo ahku tu'u-tu'u rindu sino umba'kam, umba nanyam kasih-mesra tahkan Kristus Yesus bongoi.

PILIPI 2:26

Io rindu sino umba Konduang paringoh, tutang io, gelisah, kotului ihkam jari dahpot kabar ijo io mondam.

1 TESALONIKA 2:17

Tahpi Konduang-konduang tahkan ihkai hombilang pondehan ohkot tahkan ihkam – hombilang ang mahto, tahpi eam ang ahtoi – ihkai mahin rindu ahkan'kam, tutang bousaha tu'u-tu'u ahkan hosombang hino umba ihkam!

2 TIMOTEUS 4:21

Bousahaiou sauli-ulihoh ahkan lombut soun tahkan wayah sorongin. Ebulus, Pudes, Linus, tutang Klaudia ngirim taben iro ahkan'kam; kodorih ka'a paring konduang ihcoporocaya ijo bohkonoh.

2 TIMOTEUS 4:9

Bousaha lombut masap ahku sodahpottou.

1 YOHANES 1:4

Ihkai nyurat tuh, mangat ahtoi ihto tu'u-tu'u jorih.

PONGORINAH 21:4

Io ahkan ngapit karon-juhun mahto tahkan mahton iro. Popahtoi eam ahkan anai hino; porosahtoi, tangih, ata'ai ponyahkit ka ahkan eam aro hino. Hal-hal ijo tahilomoi jari dilap.’’

PONGORINAH 7:17

kotului Anak Tobiri ijo tuot ang tohun-tohun pododusan rih nyolung sokahtik iro. Io ahkan ngitut iro nokuh tohasak danum ijo nonga pombolum. Tutang Pohotala ahkan ngapit karo danum mahto tahkan mahton iro.’’