2 TIMOTEUS 1:14 - BOWOT BOHUA

¹⁴ Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

2 TIMOTEUS 1:14 ပူးပေါင်းရင်းမြစ်များ

LUKAS 16:11

Jadi, amat tohou ponahtou kolunon tuh, ihkam jari eam duon tomorocaya, iai kani momporocaya ahkan'mu ponahtou rohani?

YOHANES 14:17

Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

RUMA 3:2

Puna iou aro ka'a paedahoh! Pahtu-pahtukoh kotului ahkan ulun Yahudirih Pohotala momorocayaoh auh-auh Pohotala.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

1 KORINTUS 9:17

Jahkaoh ahku nguan gawik orih, ngosan konohuang'ku bongok, mahka ahku tou moharap ahkan dahpot upah. Tahpi ahku mborihta Kabar Hinut rih, puna tului koharusoh. Ahku sonuhu bain Pohotala ahkan nguan orih.

2 KORINTUS 5:16

Bain kotului orih, ihkai eam hino nihpong ulun numbun tihpong kolunon. Puna ihkai pu'u nihpong Kristus tahkan sila kolunon, tahpi huntuh eam hino.

GALATIA 2:7

Sobalikoh ulun-ulun ijo tongohu bosewut rih mongahku ijo Pohotala jari nyuhu ahku ahkan mborihta Kabar Hinut rih ahkan ulun bohkon Yahudi, sama kolou Io jari nyuhu Petrus, ahkan mborihta Kabar Hinut rih ahkan ulun Yahudi.

EPESUS 2:22

Tului bolum hihco umba Kristus, ihkam ka'a rahat topangun, homboh ulun-ulun bohkon monjadi ihco kobawak lohpou ahkan Pohotala; ang anan Pohotala mohcon umba Roh Aiu.

EPESUS 5:18

Ara ihkam busou bain anggur, kobain rih ahkan morusak ihkam. Sobalikoh, hondakrih ihkam konowasa bain Roh Pohotala.

KOLOSE 4:11

Tahbe hino tahkan Yesus ijo konohawot Yustus ka'a. Tahkan ulun-ulun Yahudi ijo jari porocaya ahkan Tuhan Yesus, tihkas iro botolu iourih ijo huntuh bogawi homboh umba ahku ahkan nguan gawiu tahkan Pohotala. Iro tu'u-tu'u, paham dohop ahku.

1 TESALONIKA 5:19

Ara nahan Roh Pohotala.

1 TIMOTEUS 1:11

Ajaran rih ihto sombangoh ang luwang Kabar Hinut ijo monyiaroh tomorocaya ahkak'ku, yorih Kabar Hinut tahkan Pohotala ijo hajo tutang harus tonara.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

2 TIMOTEUS 1:12

Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.