2 TIMOTEUS 1:13 - BOWOT BOHUA

¹³ Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

2 TIMOTEUS 1:13 ပူးပေါင်းရင်းမြစ်များ

TITUS 1:9

Io harus nambit segah aang ajaran ijo dahpot ulun tomorocaya, kolou ijo jari tongajarrih ahkaioh. Honong kodorih io sanggup moningak ulun hogalang ajaran ijo morong, tutang ngorinah kosalan ulun-ulun ijo molawanoh.

2 TIMOTEUS 3:14

Tahpi tohou ihko, Timoteus, hondakrih ihko tohtap nambit aang ajaran-ajaran ijo morong ijo jari tonongajar ahkan'kam tutang ijo ihko porocaya sotuwioh, tului ihko kota'an iai guru-guru'mu.

PILIPI 4:9

Nitoioh rih, inon ijo ihkam bolajaroh tutang torima tahkan ahku; pios tahkan tuhtui-tuhtui, oluka tahkan konuak-konuak'ku. Pohotala tohasak kosanang ahkan homboh ihkam.

RUMA 6:17

Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

2 TIMOTEUS 2:2

Ajaran ijo houn jari ihko ngonih tahkan ahku, ang toharep ulun aro, hondakoh rih ihko porocaya iou hawui ulun-ulun ijo duon tonoharap tutang ijo cahkap ngajar ulun bohkon.

PONGORINAH 3:11

Ahku bojoin lombut! Jagarih pio-pios inon ijo ihkam anaitepuioh, mangat eam ihcobehti ka mosopit hadiah komanang'kam.

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.

1 TIMOTEUS 1:14

Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.

IBRANI 10:23

Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

RUMA 2:20

Konduang gurun ulun-ulun ijo bohadat randah, tutang gurun ulun-ulun ijo uong. Konduang yakin ijo ang luwang hukum agama Yahudi. Konduang tepun kokaron pongotaan tutang ajaran ihco morong.

TITUS 2:1

Tahpi ihko, Titus, hondakrih ihko mongajar, ajaran ijo kona.

1 TIMOTEUS 6:3

Ia-iai ngajar ajaran ijo bohkon tahkanmba orih, tutang eam sotuju umba ajaran ijo morong tahkan Tuhan ihto Yesus Kristus, tutang umba ajaran agaman ihto,

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

1 TIMOTEUS 1:10

toharep ulun-ulun kihal, bahkas ngoruh bahkas, ponahput, pobula, monjadi saksi-saksi alik, tutang inon iou ijo nguan hal-hal ijo hokolawan umba ajaran ijo morong.

PONGORINAH 2:25

Tahpi johcok ang ohkot Ahku lombut noin, hondakrih ihkam tohtap nutut inon ijo jari ihkam tepuioh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

TITUS 2:8

Haparih tuhtui-tuhtui ijo bijaksana, ijo eam duon nosalan bain ulun, mangat musuh-musuh'mu jadi mia, tului eam anai hal-hal maram ijo duon iro nuhtui tohou ihto.

1 TESALONIKA 5:21

Kokaro ang'co harus tonguji, tutang ijo pios harus tonumbun.

2 TIMOTEUS 1:1

Timoteus anak'ku ijo tonongasih! Ahku, Paulus, nyurat surat tuh ahkan'mu tutang bokoharap, keleh Pohotala, Amai tutang Tuhan ihto Kristus Yesus nonga borehkat, pononganasi tutang kosanang ahkan'mu. Ngosan konohuang Pohotala, ahku tonotuot monjadi rasul Kristus Yesus, tutang tonyuhu ahkan mborihta, tohou pombolum ijo tonobowot Pohotala. Pombolum orih ihto torima tului kohihco umba Kristus Yesus.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.