2 TIMOTEUS 1:12 - BOWOT BOHUA

¹² Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

2 TIMOTEUS 1:12 ပူးပေါင်းရင်းမြစ်များ

MATEUS 12:21

uhtus-uhtus ulun ahkan ngina koharapoh umba Io.”

MATEUS 24:36

“Eam aro ijo kota'an mira ondouoh tutang jamoh, molehkat-molehkat ang soruga ka'a eam, Anak Pohotala ka eam, tihkas Amai iou ijo kota'an.

MATEUS 7:22

Ang Ondou Kiamat aro ulun ahkan nuhtui umba Ahku, ‘Tuhan, Tuhan, eam umba aran-Mu ihkai jari mborihta pohtoh Pohotala? Tutang eamrih umba aran Tuhan ka'a ihkai jari muhko roh-roh ja'at hawui nguan aro tandahelan?’

LUKAS 10:12

Ingatrih, aang ondou kiamat, ulun Sodom ahkan labih murah tongapun Pohotala tahkan iro ulun lowu orih!’’

LUKAS 23:46

Turus Yesus ngombak umba auh muhing, ‘‘Amai! Nokuh a'ang longon-Mu Ahku monyarah arop-Ku!’’ Uli nuhtui kolourih, Io ka palus.

YOHANES 17:15

Ahku eam nyawot, mangat Amai ngomin iro tahkan kolunon tuh, tahpi Ahku nyawot mangat Amai mohaga iro tahkan ijo Ja'at.

YOHANES 6:44

Eam ihcobehti ka dahpot lombut nokuh Ahku, amat Amai ijo jari nyuhu Ahku, eam ngomin io ahkak-Ku; tutang ia-iai ijo lombut, ahkan Ahku ngombolumoh aang Ondou Kiamat.

KESAH RASUL-RASUL 13:46

Tahpi hawui labih bohanyi Paulus doro Barnabas pander torus-tarang. Iro nuhtui, ‘‘Auh Pohotala puna harus tonyapai ahkan ihkam houn. Tahpi tului ihkam eam kani norimaoh, ihkam jari nuhkasoh bongom, ijo ihkam eam pahtut norima pombolum sojahti tutang kototahiu. Tutang huntuh ihkai nohtah ihkam, tutang tulak nokuh uhtus bohkon.

KESAH RASUL-RASUL 13:50

Tahpi okon-okon lowu rih, tutang ulun-ulun bawi tahkan barih ulun-ulun isung ijo mihkoh umba Pohotala, tongihit bain ulun-ulun Yahudi. Iro polombut komusuh toharep Paulus tutang Barnabas, tutang muhko doro tahkan tana rih.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

KESAH RASUL-RASUL 7:59

Pondehan iro mukah Stepanus umba bahtu, Stepanus na'ah, ‘‘Tuhan Yesus norimaoh roh'ku!’’

KESAH RASUL-RASUL 9:16

Tutang Ahku bongok ahkan ngorinah ahkaioh, paring sorata, ijo harus io nginyam kotului Ahku.’’

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 9:33

Tohou bahtu dih ang luwang Surat Borasih jari tonyurat koloutuh, ‘‘Nuneng houn tuh: Ang Sion jari Ahku ngina ihco bahtu, ijo ahkan ngojorian ulun ponoturung; yorih ihcokobuhtup bahtu hajo ijo ahkan ngojorian ulun tosahap. Tahpi ulun ijo porocaya umba Io, eam ahkan kocewa.’’

1 KORINTUS 1:8

Kristus bongoi ahkan monjamin ihkam nyiring aang kolaiuoh; mangat aang ohkot Io lombut hoduli, ihkam tonyombang-Oh eam aro kosalan.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

PILIPI 1:20

Ijo ahku paham jolik tutang harapoh, iorih mangat ara sasino-sino ahku gagal a'ang tugas'ku. Sabalikoh ahku bokoharap mangat nyinong wayah, ijo mombahtang sino huntuh, ahku honong sikap bohanyi, nyiring hopus homboruak behtik'ku – pios ahku bolum ata'ai ahku mahtoi – Kristus tonohajo.

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

PILIPI 3:21

Behtin ihto ijo bolomu tutang duon maram tuh, ahkan konubah bain Kristus monjadi kolou behtin Aiu bongoi ijo borasih. Io dahpot nguan orih kotului Io anai-ngina kowasa duon pominda kokaro aangihco.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

1 TESALONIKA 2:16

Dahanghino iro mohalang-halang ihkai, ahkan mborihta ahkan uhtus-uhtus bohkon Yahudi, borihta ijo dahpot monyolamat uhtus-uhtus orih. Honong kodorih ulun-ulun Yahudi orih, mondahang toturus dusa-dusan iro, nyiring jombalahoh sukup. Tutang huntuh iro kolaiuoh nopahas tulut Pohotala!

1 TESALONIKA 5:4

Tahpi ihkam eamoh ulun ijo bolum ang luwang kopindong, nyiring ondou orih nokonyat ihkam, kolou polombut ponyilou.

1 TIMOTEUS 6:20

Inon ijo jari tomorocaya ahkan'mu, ngina orih pio-pios. Timoteus! Ngomahcu pander-sorihta ijo eam bogunaioh tutang soal-jawab tohou hal-hal ijo cara koliru, konohawot ‘‘Pongotaan’’.

2 TIMOTEUS 1:14

Umba pondohop tahkan Roh Pohotala ijo bolum ang luwang ihto, hondakrih ihko njaga pio-pios hal-hal borega ijo jari tomorocayarih ahkan ihkam.

2 TIMOTEUS 1:16

Tahpi jolahan Onesiforus jari pira-pira tikat ngojorih ahtoi'ku. Keleh Tuhan kani mononga ponunjuk balos kasih umba iro. Oluka ahku ang luwang sipir, Onesiforus eam mia ahkan koada'an'ku rih.

2 TIMOTEUS 1:18

Tutang ihko ta'an ijo ang Epesus, io aro samasino dohop ahku. Keleh Tuhan nunjuk balos kasih ahkaioh aang ondou Tuhan mosara paring ukup kolunon.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

2 TIMOTEUS 2:9

Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 2:18

Tutang kotului Io bongoi pu'u mongarot tutang tonihkos. Io dahpot ndohop ulun-ulun ijo kona tihkos, kotului Io bongoi pu'u tonihkos tutang mongarot.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 4:16

Tahpi amat ihkam ngarot bain ihkam ulun Kristen, ara mia tului hal rih. Botorimakasihrih umba Pohotala, ijo ihkam ngomin aran Kristus.

1 PETRUS 4:19

Bain orih, amat anai ulun-ulun ijo ngarot tului Pohotala ngohondak kolourih, hondakrih ulun-ulun rih bolum hawui morong tutang moporocaya arop umba Pona'oi iro. Io ahkan turus molalus bowot-Oh.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.