2 TIMOTEUS 1:10 - BOWOT BOHUA

¹⁰ Tutang huntuh Pohotala ngorinah pononganasi-Oh rih ahkan ihto, umba polombut Lahca Ponyolamat ihto Kristus Yesus. Yesus ijo mongalah kowasan popahtoi tutang ngomin pombolum ijo abadi nguha Kabar Hinut rih.

2 TIMOTEUS 1:10 ပူးပေါင်းရင်းမြစ်များ

LUKAS 11:36

Amat sohopus behtin'mu, boloang, tutang eam aro 'cobagian ka ijo pindong, mahka sohapus behtin'kam rih boloang ngorolondang kolou ngorolondang koloang sumbu.’’

LUKAS 13:7

Jadi, io nuhtui umba tuhkang kobunoh, ‘Nohto, jari tolu toun ahku lombut ngurah buaoh sikun tuh, tahpi eam mua ihcokoluang ka'a. Towongrih pu'un tuh! Io tihkas ngohpah zat ukun tahkan tana!’

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

YOHANES 1:9

Koloang sojahti ijo mopoloang paring kolunon, lombut nokuh kolunon.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 4:42

Iro nuhtui umba ulunbawi rih, ‘‘Ihkai porocaya uhuntuh, eam kotului inon ijo ihko nuhtuioh ahkan'kai, tahpi kotului ihkai bongon jari ngonih Io, tutang kota'an ijo Io puna Ponyolamat kolunon.’’

YOHANES 5:40

Tahpi ihkam eam kani lombut nokuh Ahku bagi dahpot pombolum kototahiu.

KESAH RASUL-RASUL 13:23

Tahkan uhtus Dawid orih Pohotala nahtap ahkan uhtus Israel ihcobehti Lahca Ponyolamat, kolou ijo jari tonobowot-Oh. Tutang Yesus rih Lahca Ponyolamat orih.

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 3:31

Kuwohrih tuh rimai, ijo tului ihto porocaya umba Yesus Kristus, turus ihto dian hukum agama ulun Yahudi? Samasino eam kodorih! Malah justru koporocayan ihto orih, ihto moregaoh hukum rih.

RUMA 6:6

Ihto kota'an, ijo tobiat ihto ijo holu, kolou ulun jari mahtoi homboh Kristus ang kahju sopolahki, mangat kowasan tobiat ihto ijo bodusa rih tonoluhtek; hawui kodorih ihto eam hino tonojihpon bain dusa.

1 KORINTUS 15:26

Musuh ijo pokolaiu ijo ahkan tongominda iorih popahtoi.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

2 KORINTUS 5:4

Kotahin ihto mohcon ang luwang lohpou ijo tahkan tana tuh, ihto munguh kotului puat ihto bahat. Eamoh kotului ihto jolik bolohkak tahkan behtin ihto ijo tahkan tana tuh. Tahpi tului ihto jolik mokehpanoh behtin ihto ijo tahkan soruga rih, mangat behtin ihto ijo tou mahtoi tuh, tongowasa bain ijo bolum.

GALATIA 5:4

Amat ihkam ngurahjalan hokopios umba Pohotala, nguha hukum agama orih rimai kohihco'kam umba Kristus jari pahtot. Honong kodorih ihkam bolum ang ruar barih tonganasin Pohotala.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 1:9

Numbun konohuang-Oh bongoi, Pohotala ngorinah ahkan ihto rahasia rancana-Oh; Io ius momuhtusoh ijo rancana-Oh rih ahkan tongopahoh nguha Kristus.

2 TESALONIKA 2:8

punai gihtan kolunon Ja'at orih rih. Mahka mira Tuhan Yesus lombut, Io ahkan munu kolunon ja'at orih umba hasong tahkan baui-Oh, tutang morusakoh umba korolondang polombut-Oh.

2 TIMOTEUS 1:1

Timoteus anak'ku ijo tonongasih! Ahku, Paulus, nyurat surat tuh ahkan'mu tutang bokoharap, keleh Pohotala, Amai tutang Tuhan ihto Kristus Yesus nonga borehkat, pononganasi tutang kosanang ahkan'mu. Ngosan konohuang Pohotala, ahku tonotuot monjadi rasul Kristus Yesus, tutang tonyuhu ahkan mborihta, tohou pombolum ijo tonobowot Pohotala. Pombolum orih ihto torima tului kohihco umba Kristus Yesus.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

2 TIMOTEUS 4:1

Kristus Yesus ahkan lombut hino nokuh kolunon tuh, ahkan mosara ulun-ulun ijo bolum tutang ijo mahtoi; tutang Io ahkan lombut ahkan moretah kolou Lahca. Bain kotului rih ahku nyawot hawui paham ahkan'mu ang toharep Pohotala tutang Kristus Yesus.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

TITUS 2:11

Tului Pohotala jari pokarah ponongaasi-Oh, guna nyolamat paring ukup kolunon.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

TITUS 3:4

Tahpi Pohotala, Ponyolamat ihto ngorinah kasih tutang kohinut ahtoi-Oh ahkan ihto.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

2 PETRUS 1:3

Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

2 PETRUS 3:2

Ahku nyuhumopingat mangat ihkam bingat, ahkan auh-auh ijo lomoi tonohawot bain nabi-nabi Pohotala, tutang poretah-poretah tahkan Tuhan, Lahca Ponyolamat, ijo tonyorihtaoh ahkan'kam nguha rasul-rasul.

1 YOHANES 1:2

Kotihka pombolum rih tongorinahoh, ihkai nohtooh. Orihrih kobaiuoh ihkai nonga kosaksian tohou Io. Ihkai mborihta ahkan ihkam tohou pombolum ijo sojati tutang kototahiu, ijo anai hihco Amai tutang ijo jari ngorinah ahkan ihkai.

1 YOHANES 4:14

Ihkai bongon jari nohto Anak Pohotala, tutang ihkai mongabaroh ijo Yesus rih tonyuhu bain Amai, ahkan monjadi Lahca Ponyolamat kolunon tuh.

PONGORINAH 18:1

Uliorih rih ahku nohto ihcobehti molehkat bohkon nosuluh tahkan soruga. Io anai bokowasa ijo hajo tutang sewutoh nguan hopus tana monjadi boloang.

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 20:14

Pongohuli Popahtoi tutang Lowun Popahtoi ndian ahkan luwang tasik baho. (Tasik baho tuh anairih popahtoi bahagian koduo.)

PONGORINAH 22:14

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.

PONGORINAH 22:17

Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.