2 TESALONIKA 3:2 - BOWOT BOHUA

² Bodo'arih ka'a, mangat Pohotala nyolamat ihkai tahkan ulun-ulun ijo bejad tutang ja'at. Kotului eam paring ulun porocaya ahkan borihta tahkan Tuhan rih.

2 TESALONIKA 3:2 ပူးပေါင်းရင်းမြစ်များ

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

MATEUS 23:23

Colahka ihkam guru-guru agama tutang ulun-ulun Parisi! Ihkam tuhkang pura-pura. Karo-rarampah kolou selasih, adas manis, tutang jintan ka, ihkam nonga sepersopuluoh ahkan Tuhan. Padahar hal-hal ijo boguna ang hukum-hukum agama, kolou jahkaoh: Koadilan, balos kasih, tutang kosotiaan, eam ihkam podulioh. Padahar orih ijo koharusoh ihkam nguai, eam mohonou ijo bohko-bohkon ka'a.

LUKAS 18:8

Porocayarih: Io ahkan jeleng ndohop porokaran iro! Tahpi amat Anak Ulun lombut, inon magun anai tonyombang ulun ijo porocaya umba-Oh Io ang tana tuh?’’

KESAH RASUL-RASUL 13:45

Kotihka ulun-ulun Yahudi nohto ulun aro rih, iro hiri ahtoi samasino. Iro ngorana Paulus tutang molawan paring ang tonuhtuioh.

KESAH RASUL-RASUL 13:50

Tahpi okon-okon lowu rih, tutang ulun-ulun bawi tahkan barih ulun-ulun isung ijo mihkoh umba Pohotala, tongihit bain ulun-ulun Yahudi. Iro polombut komusuh toharep Paulus tutang Barnabas, tutang muhko doro tahkan tana rih.

KESAH RASUL-RASUL 14:2

Tahpi ulun-ulun Yahudi ijo eam kani porocaya ngihit ulun-ulun ijo eam ulun Yahudi, nyiring nguan iro ngohiri ulun-ulun ijo porocaya umba Yesus rih.

KESAH RASUL-RASUL 17:5

Tahpi ulun-ulun Yahudi hiri ahtoioh. Turus iro muhpung ulun-ulun ijo bororangai ang jalan-jalan, tutang napa ulun-ulun gorombolan porusuh. Turus iro moridu aang hopus lowu rih, tutang nyarang lohpou ihcobehti ulun porocaya ijo bogare Yason kani ngurah Paulus tutang Silas, tului iro kani ngomin Paulus doro Silas nokuh luar noharep ulun aro.

KESAH RASUL-RASUL 25:27

Tului numbun nanyam'ku eam rih anai unukoh ngirim ihcobehti tahanan amat eam aro umba surat ijo ngorinah kosalai-kosalaioh ijo tomondawaoh ahkaioh.’’

KESAH RASUL-RASUL 28:24

Anai ijo porocaya ahkan inon ijo tomborihta Paulus, tahpi anai ka'a ijo eam porocaya.

RUMA 10:16

Tahpi eam paring ulun norima Kabar Hinut rih. Tului Yesaya nuhtui, ‘‘Tuhan, iaikah ijo porocaya umba borihta tahkan ihkai?’’

RUMA 15:31

Bodo'arih iou, ahkan Pohotala moliwusoh ahku tahkan longon ulun-ulun ijo eam porocaya ang Yudea, tutang mangat gawik'ku ahkan ngitot pononga nokuh Yerusalem, tonorima honong sanang ahtoi bain ukup Pohotala ang anan.

1 KORINTUS 15:32

Amat orih baya tahkan hila kolunon iou, inon utungoh ahkak'ku umba kolahi, koloujahka molawan karon-ohcin bosiak ang lowu tuh, ang Epesus? Amat puna ulun mahtoi eam tonombolum hoduli. Nah, labih pios ihto numbun porobasa tuh: ‘‘Olai ihto kuman ngorih tutang jori-jirah, kobain hawon ihto tuh ahkan mahtoi.’’

1 TESALONIKA 2:18

Ihkai boniat tulak masap ihkam; tutang ahku jari monyobaoh sino duo tikat, tahpi Sehtan mohalang ihkai.

2 TIMOTEUS 4:17

Tahpi Tuhan mambai ahku, Io nonga koba'as, nyiring ahku sanggup mborihta paring Kabar Hinut rih, mangat konahan bain paring ulun bohkon Yahudi. Tutang ahku liwus tahkan bohaya popahtoi.