2 TESALONIKA 1:7 - BOWOT BOHUA

⁷ Tutang ahkan'kam ijo uhuntuh ngarot – kodorih ka'a umba ihkai – Pohotala ahkan nonga kosoroah aang ondou Tuhan Yesus nosuluh tahkan soruga, tutang ngorinah arop-Oh hawui molehkat-molehkat Aiu ijo motong,

2 TESALONIKA 1:7 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 25:31

“Amatnoin Anak Ulun lombut kolou Lahca tongitot molehkat-molehkat-Oh. Io ahkan tuot ang ngosan pododusan aiou ijo hajo.

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MATEUS 26:64

Yesus mutah, “Kolouorih hion'mu. Tahpi porocaya iou: nopara uhuntuh ihkam ahkan nohto Anak Ulun tuot ang sila koto'un Pohotala Ijo Mahakowasa, tutang lombut ang ngosan baunondou ang langit!”

MARKUS 14:62

‘‘Ahku rih Io,’’ mutah Yesus, ‘‘tutang ihkam paring ahkan nopahjah Anak Ulun tuot ang sila kotoun Pohotala Ijo Pahamkowasa tutang lombut ang baunondou ang langit!’’

MARKUS 8:38

Amat ihcobehti mia ngahku Ahku tutang ajaran-Ku ang jaman dorhaka tutang ja'at tuh, Anak Ulun ka'a ahkan mia ngahku ulun rih, ang ohkot io lombut noin honong kowasa Amai-Oh, tohomboh molehkat-molehkat ijo borasih.’’

LUKAS 16:25

Tahpi Abraham mutah, ‘Mingatrih anak'ku: kotahin umur pombolum'mu, ihko jari ngondahpot paring ijo pio-pios, rahatoh Lasarus ngondahpot ijo ja'at-ja'at. Uhuntuh io sanang ang ohtoi, tutang ihko ngarotkoporos.

LUKAS 17:30

Kolouorih rih koada'anoh noin aang ondou Anak Ulun tongorinah.

YOHANES 1:3

Kokarooh tonapa nguha Io, tutang tahkan kokaro ijo anai, eam ihco ka tonapaoh earo Io.

YOHANES 1:51

Hion Yesus huli, ‘‘Tu'u-tu'u, porocayalah, ihko ahkan nohto langit bokuap, tutang molehkat-molehkat Pohotala nuhkat nosuluh aang Anak Ulun.’’

KESAH RASUL-RASUL 1:11

‘‘O, ulun-ulun Galilea,’’ hion koduo behti rih, ‘‘ombai ihkam tombok iou ang anan nokara nokuh langit? Yesus ijo ihkam nohto hogahtang nokuh soruga rih ang toharep'kam, ahkan huli hino umba cara orih ka'a, kolou ijo ihkam nohtooh nanai.’’

KESAH RASUL-RASUL 3:19

Bain tului orih konduang-konduang hubahrih tahkan dusa-dusa'kam tutang buli nokuh Pohotala mangat Io potihou dusa-dusa'kam.

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

2 KORINTUS 4:17

Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.

EPESUS 1:2

Ahku, Paulus, rasul Kristus Yesus ngosan kohondak Pohotala, moharap, keleh Pohotala, Amai ihto tutang Tuhan Yesus Kristus nonga borehkat tutang kosanang ahkan ihkam.

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

1 TESALONIKA 3:13

Honong kodorih Tuhan ahkan ngomba'as ahtoi'kam, nyiring ihkam borasih, tutang eam aro kosalai ang toharep Pohotala, Amai ihto, ang ohkot Tuhan ihto Yesus Kristus lombut homboh paring ulun ijo monjadi Aiu-Oh.

2 TIMOTEUS 2:12

Amat ihto tohtap tabah, ihto ahkan moretah ka'a homboh Io. Amat ihto ngulim Io, Io ka ahkan ngulim ihto.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 10:27

Ihco-ihcooh ijo anai bagi ihto, yorih noharep bosaran Pohotala tutang baho kosangit-Oh ijo ahkan mahpong ohpah ulun-ulun ijo molawan Io!

IBRANI 12:29

Kotului Pohotalan ihto kolou baho ijo monyaha.

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

IBRANI 4:9

Jadi bagi ukup Pohotala, magun anai bowot, ahkan nondobo'o, kolou Pohotala jari nondobo'o, ang ondou ijo kopihtu rih.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

YUDAS 1:7

Ingatrih ka'a, lowu Sodom tutang Gomora, hawui lowu-lowu ang hokodiling, ijo rayatoh nguan hal-hal kolou ijo tonguan bain molehkat-molehkat orih. Iro nguan hal-hal ijo kihal tutang bejad, nyiring iro tonosiksa umba hukuman baho ijo kototahiu, ahkan monjadi pongingat bagi paring ulun.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 14:10

ulun rih ahkan ngorih anggur Pohotala, yorih anggur kosangit-Oh ijo jari tonusuh-Oh koluwang kondarah-Oh, eamanai tongurang honjiot ka! Paring ulun rih ahkan tonosiksa, aang luwang baho tutang sondawa, ang toharep molehkat-molehkat brasih tutang ang toharep Anak Tobiri rih.

PONGORINAH 14:13

Turus ahku ngonih auh tahkan soruga nuhtui, ‘‘Nyuratrih tuh: Nopara huntuh, kosanangrih ulun-ulun ijo mahtoi rahat hino mohalu Tuhan!’’ ‘‘Morong!’’ putah Roh Pohotala. ‘‘Iro ahkan tondo bogawi paham, tului bua pohalu iro, toturus ahkan homboh iro.’’

PONGORINAH 20:11

Uliorih ahku nohto ihco pododusan puhti ijo hajo tutang Io ijo tuot ang ngosanoh. Langit tutang tana dilap tahkan husuk-Oh, nyiring eam gihtan hino.

PONGORINAH 21:4

Io ahkan ngapit karon-juhun mahto tahkan mahton iro. Popahtoi eam ahkan anai hino; porosahtoi, tangih, ata'ai ponyahkit ka ahkan eam aro hino. Hal-hal ijo tahilomoi jari dilap.’’

PONGORINAH 22:16

‘‘Ahku, Yesus jari mongirim molehkat-Ku ahkan ihkam, mangat io momborihta hal-hal tuh ahkan kogunan ukup-ukup. Ahku tuh lihit Dawid; Ahku tuh potion tahkan timur ijo boloang rih.’’

PONGORINAH 22:6

Turus molehkat rih nuhtui umba ahkak'ku, ‘‘Tuhtui-tuhtui tuh tu'u tutang dahpot tomorocaya. Tuhan Pohotala ijo nonga Roh-Oh ahkan nabi-nabi, jari nyuhu molehkat-Oh mangat ngorinah ahkan jihpoi-jihpoi-Oh inon ijo bojoin harus nyolung.’’

PONGORINAH 22:9

tahpi io nuhtui umba ahku, ‘‘Ara! Ara nyembah ahku! Nyembah iou Pohotala! Kotului ahku ka'a sama kolou ihko, tutang kolou konduang-konduang'mu, nabi-nabi, tutang paring ulun ijo te'et umba pohtoh-pohtoh luwang surat tuh!’’

PONGORINAH 6:11

Iro nyino-nyinong, tononga ihco kolambar jubah ijo puhti. Turus iro sonuhu ngerenghasong eamtahi hino, johcok jari sukup jumbalah, sobat-sobat sokolahi tutang konduang-konduang iro, ijo ahkan tomunu kolou iro.