2 TESALONIKA 1:4 - BOWOT BOHUA

⁴ Orihrih kotuluioh ombai ihkai bopander tohou ihkam nyinong tikat ihkai masap ukup-ukup Pohotala. Honong tamam ihkai monyorihta, koloukuwoh ihkam tohtap tehen porocaya umba Kristus, ang parak tonoporos tutang ngarot ijo ihkam nyuruoh.

2 TESALONIKA 1:4 ပူးပေါင်းရင်းမြစ်များ

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 8:25

Tahpi amat ihto morocaya aang-'co, ijo jaha ihto nohtooh, mahka ihto ngindoi hawui sabar.

1 KORINTUS 7:17

Konohuangoh nyino-nyinong mohaga pombolumoh numbun toniting Tuhan, kolou ijo jari tonuhkas bain Pohotala ahkaioh, aang ohkot Pohotala na'ahoh ahkan porocaya umba Io. Orihrih poroturan ijo ahku majaroh ang nyino-nyinong ukup.

2 KORINTUS 12:10

Jadi, ahku jorih umba kolomu-kolomu'ku rih. Ahku ka'a jorih amat bain kotului Kristus ahku tonopitnah, ahku buah kohapit, toduru-duru tutang ahku nyuru kosusah. Tului amat ahku bolomu, mahka ang ohkot orih rih, justru ahku ba'as.

2 KORINTUS 7:14

Ahku puna jari kotama-tamam ihkam ahkaioh. Torimakasihrih, ihkam eam mopomia ahku. Paring ijo pu'u ihkai nuhtui ahkan'kam anairih morong. Kodorih ka'a, inon ijo ihkai nama-namamoh tohou ihkam ahkan Titus korinah morong hino.

2 KORINTUS 7:4

Ahku ngina koporocaya tuwi ahkan'kam. Malah ahku namam samasino toharep'kam! Oluka ihkai nyuru aro kosusah, ahtoi'ku paham konapung tului ihkam. Ahtoi'ku tu'u-tu'u jorih!

2 KORINTUS 9:2

Ahku kota'an ihkam kani ndohop, tutang ahku jari monamamoh ihkam, umba ulun-ulun ang Makedonia. Ahku nuhtui ahkan iro ijo tahkan toun ijo nokalou konduang-konduang ang Akhaya ius tahtap ahkan nonga pondohop. Tutang somangat'kam jari ka'a himun somangat sobagian hajo tahkan iro.

2 KORINTUS 9:4

Ahku mihkoh koloujahka anai ulun-ulun Makedonia ijo umba hombo-homboh ahku noin ang ohkot ahku lombut nokuh ihkam. Tutang amat iro nyombangoh ijo ihkam jaha sodia, akai, paham komiaoh ihkai noin, kotului jari nuhtui ijo ihkai porocaya samasino umba'kam! Tutang ihkam bongom-ka, ahkan mia ka'a.

1 TESALONIKA 2:14

Konduang-konduang! Hal ijo ihkam nyuruoh, jari tonyuru ka'a bain ukup-ukup Pohotala ang Yudea ijo jadi ain Kristus Yesus. Ihkam monyuru karot tahkan hila uhtus'kam bongom, sama kolou ijo tonyuru bain ukup-ukup Pohotala ang Yudea rih tahkan sila ulun-ulun Yahudi.

1 TESALONIKA 2:19

Punatu'u ihkamrih koharap tutang kojorih ihkai. Tului noin amat Tuhan Yesus lombut, tutang ihto noharep-Oh, mahka ihkamrih ijo ahkan monjadi kotamam ihkai!

2 TESALONIKA 3:5

Keleh Tuhan niting ihkam ahkan labih horahti ijo Pohotala ngasi ihkam tutang ijo Kristus nonga kotabah ahkan'kam.

IBRANI 10:36

Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

IBRANI 6:15

Abraham ngindoi honong sabar, mahka io norima inon ijo jari tonobowot ahkaioh.

YAKOBUS 5:11

Iro konohawot sanangmangat tului iro tabah. Ihkam ius ngonih tohou kosabar Ayub, tutang ihkam ta'an koloukuwoh Tuhan ang laiuoh momborehkat Io. Tului Tuhan paham kasihsayang tutang hinut ahtoi.

2 PETRUS 1:6

tutang ang bambai pongotaan, ihkam harus ka'a dahpot mongowasa arop. Tutang bohkonumba dahpot mongowasa arop, hondakrih ihkam ka'a momupuk arop, ahkan tabah noharep kokaron aang'co. Ang bambai tabah noharep kokaron aang'co, ihkam harus ka'a bolum numbun konohuang Pohotala.

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.