2 TESALONIKA 1:3 - BOWOT BOHUA

³ Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

2 TESALONIKA 1:3 ပူးပေါင်းရင်းမြစ်များ

LUKAS 15:32

Tahpi ihto harusbopesta tutang jori-jorih, tului ari'mu orih rih jari mahtoi bolum huli; io jari nihou, tahpi huntuh jari sombang huli.’ ’’

LUKAS 17:5

Rasul-rasul nuhtui umba Tuhan Yesus, ‘‘Tuhan, ngoba'as koporocaya ihkai.’’

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

1 KORINTUS 1:4

Ahku toturus botorimakasih ahkan Pohotala tohou ihkam, bain ihkam ius norima pononganasi tahkan Pohotala nguha Kristus Yesus.

2 KORINTUS 10:15

Ihkai eam ka'a monara arop, ngosan gawin ulun bohkon, ijo anai ang ruar tihkas ijo tonuhkas Pohotala ahkan ihkai. Sobalikoh ihkai tohtap ang luwang tihkas-tihkas, ijo tonuhkas Pohotala ahkan ihkai, tutang boharap ijo ihkam mahi-mahi porocaya umba Kristus, mangat ihkai dahpot nguan gawi ijo labih hajo ang louk ihkam.

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

PILIPI 1:9

Tuhrih do'a'ku ahkan ihkam; keleh ihkam mahi-mahi monyita Pohotala tutang hawuiarop tutang turus ndahang timbon pongotaan ijo morong tutang topahjah ijo kopihtar.

1 TESALONIKA 3:12

Keleh Tuhan nguan ihkam mahimahi mongasih ihco sama ijobohkon, tutang mahi ka'a ngasi paring ulun, nyiring kasih'kam rih botambah-tambah toturus, sama kolou kasih ihkai umba ihkam.

1 TESALONIKA 3:6

Huntuh Timoteus jari buli, tutang jari nyorihta ahkan ihkai borihta kojorih, tohou koloukuwoh amoh ihkam porocaya umba Kristus tutang saling ngasih. Io nyorihta ahkan 'kai, ijo ihkam toturus anaingina kenang-kenangan ijo pios tohou ihkai ang ahtoi'kam. Tutang ihkam jolik hosombang umba ihkai, sama kolou ihkai ka jolik hosombang umba ihkam.

1 TESALONIKA 3:9

Eaminon hajooh torimakasih ihkai umba Pohotala ngosan paring kojorih ijo ihkai nyuruoh ang toharep-Oh, kotului ihkam.

1 TESALONIKA 4:1

Laiuoh Konduang-konduang, ihkai jari nonga sutu ahkan'kam, tohou koloukuwoh ihkam harus bolum ahkan ngojorih ahtoi Pohotala. Kopuna ihkam jari bolum kolourih. Tahpi huntuh ngosan kowasan Tuhan Yesus, ihkai nyawot honong paham umba'kam, tutang nyuhu ihkam mangat paham bousaha hino a'ang hal orih!

2 TESALONIKA 2:1

Tohou polombut Tuhan ihto Yesus Kristus tutang tohou ahkan tomupungoh ihto ahkan mohcon hihco Io, tuhrih ijo ahku nyawot hawui paham umba ihkam.

2 TESALONIKA 2:13

Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

2 PETRUS 1:13

Kotahin ahku magun bolum, ahku komo pahtut mopingat'kan ihkam, ahkan hal-hal orih.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus