2 PETRUS 3:7 - BOWOT BOHUA

⁷ Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

2 PETRUS 3:7 ပူးပေါင်းရင်းမြစ်များ

MATEUS 10:15

Ingatrih! Ang Ondou Kiamat, ulun-ulun ang lowu Sodom tutang Gomora ahkan labih jeleng tongahpun bain Pohotala tahkan ulun-ulun ang lowu orih!”

MATEUS 11:22

Ingatrih, ang Ondou Kiamat, ulun-ulun Tirus tutang Sidon ahkan labih jeleng konapun Pohotala, tahkan ihkam!

MATEUS 11:24

Ingatrih! Ang Ondou Kiamat ulun Sodom ahkan labih jion tonapun Pohotala tahkan umba ihkam!”

MATEUS 12:36

Jadi, ingatrih: ang Ondou Kiamat nyinong ulun harus nanggung-jawab, ngosan nyinong auhoh ijo konohawot, ijo eam boguna.

MATEUS 24:35

Langit tutang tana ahkan dilap, tahpi karoauh-Ku mohcon turus-jaham.”

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MARKUS 6:11

Tahpi amat ihkam johcok ang ihco unuk, tutang ulun-ulun ang anan eam kani norima tutang ngonih auh'kam, nohtahrih unuk rih. Tutang nohka awun tana tahkan tapa pa'an'kam kolou pongingat toharep iro!’’

YOHANES 12:48

Ulun ijo nulak Ahku tutang eam ngonih auh-Ku, jari anairih ijo mosaraoh. Auh ijo Ahku nyiaroh, orihrih ijo ahkan mosaraoh ang Ondou Kiamat.

RUMA 2:5

Tahpi ihkam mahang kuhung tutang eam kani hubah. Bain tului orih ihkam bongomrih ijo ngambot hukum'mu monjadi tambah bahat aang Ondou Kiamat, amat Pohotala ngorinah kosangit-Oh tutang momuatoh hukum ijo adil.

1 KORINTUS 3:13

Gawin nyinong ulun ahkan gitan noin ang uhun Kristus lombut hoduli. Kotului ang ondou orih baho ahkan nguan gawin nyino-nyinong ulun botarang. Baho ahkan nguji tutang nukas mutu tahkan gawi rih.

PILIPI 1:28

Hondakrih ihkam toturus bohanyi, a'ai mihkoh toharep polawan-polawan'kam. Honong kodorih ihkam ngorinah ijo iro musti ahkan kalah, tutang ihkam ahkan manang, kotului Pohotala bongoi ijo nonga komanangan ahkan'kam.

2 TESALONIKA 2:3

Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

1 TIMOTEUS 6:9

Tahpi ulun ijo kani monjadi tahtou, tonihkos tutang tojorat bain bomahca-mahcam kojolikoh, ijo uong tutang ijo morusak. Kojolik-kojolik orih nguan ulun monjadi lonyuh tutang colahka.

IBRANI 12:29

Kotului Pohotalan ihto kolou baho ijo monyaha.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

2 PETRUS 3:10

Tahpi Ondou polombut Tuhan ahkan johcok kolou ponahkou. Ang Ondou rih, langit ahkan dilap honong auh ngorutung, tutang ramun-ramun ang langit ahkan lingis bosaha, tutang tana hawui paring ijo anai ang luwangoh ahkan dilap.

2 PETRUS 3:12

kotahin ihkam ngindoioh tutang morinduoh polombutoh Ondou Pohotala. Aang Ondou rih langit ahkan opah bosaha, tutang tului kopodioh, mahka ramu-ramu ijo ang langit ahkan lonyuh.

1 YOHANES 4:17

Kasih monjadi soporuna luwang arop ihto, mangat ihto tepun kohanyi ang Ondou Ponosara. Ihto ahkan tepun kohanyi, tului pombolum ihto ang kolunon tuh, sama kolou pombolum Kristus.

YUDAS 1:7

Ingatrih ka'a, lowu Sodom tutang Gomora, hawui lowu-lowu ang hokodiling, ijo rayatoh nguan hal-hal kolou ijo tonguan bain molehkat-molehkat orih. Iro nguan hal-hal ijo kihal tutang bejad, nyiring iro tonosiksa umba hukuman baho ijo kototahiu, ahkan monjadi pongingat bagi paring ulun.

PONGORINAH 17:11

Tutang ohcin ijo lomoi pu'u bolum, tahpi huntuh eam bolum hino, anairih lahca ijo kojalu. Io anairih tahkan ihco kopihtu lahca rih ka'a, ijo huntuh rahat tulak nitu korusak.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.

PONGORINAH 20:11

Uliorih ahku nohto ihco pododusan puhti ijo hajo tutang Io ijo tuot ang ngosanoh. Langit tutang tana dilap tahkan husuk-Oh, nyiring eam gihtan hino.

PONGORINAH 21:1

Turus ahku nohto langit ijo bohua, tutang tana ijo bohua. Langit pahtuk tutang tana pahtuk ka nihou, hawui tasik dilap.