3 Sula-sulakoh ihkam harus ngota'an, ijo aang ondou-ondou laiu, ahkan lombut ulun-ulun ijo pombolumoh konowasa bain kojolik bolai iro bongoi. Iro ahkan hololea ihkam
Ulun ijo nulak Ahku tutang eam ngonih auh-Ku, jari anairih ijo mosaraoh. Auh ijo Ahku nyiaroh, orihrih ijo ahkan mosaraoh ang Ondou Kiamat.
Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.
Ingatrih tuh: Ang ondou-ondou kolaiou ahkan anai aro kosusah.
Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.
Mambahtang samasino, hondakrih ihkam ingat tuh; pohtoh Pohotala ijo tonyapai bain kokaron nabi eam tou tonafsir numbun tiruk bongon.
khususoh ulun-ulun ijo numbun kojolik-kojolik bolai iro ijo kojilok tutang ijo mohina kowasan Pohotala. Kolourih kohanyi tutang kojuhuoh guru-guru polasu rih nyiring iro eam teka-tekan mohina dolang aangbolum ijo tonohoromat ang soruga ka!
Anak-anak'ku, lain jaman jari doni! Jari tonyorihta ahkan ihkam hounoh ijo Musuh Kristus ahkan lombut; tutang uhuntuh jari lombut, aro ulun ijo momusuh Kristus. Orih tandaoh ijo lain jaman jari doni.
Ulun-ulun rih toturus iou bokuhtuk tutang nosalan ulun bohkon. Iro bolum numbun kojolik-kojolik iro ijo bodusa. Iro panderalik tohou aropoh bongoi, tutang monjilat ulun mangat duon utung.
Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.