2 PETRUS 3:10 - BOWOT BOHUA

¹⁰ Tahpi Ondou polombut Tuhan ahkan johcok kolou ponahkou. Ang Ondou rih, langit ahkan dilap honong auh ngorutung, tutang ramun-ramun ang langit ahkan lingis bosaha, tutang tana hawui paring ijo anai ang luwangoh ahkan dilap.

2 PETRUS 3:10 ပူးပေါင်းရင်းမြစ်များ

MATEUS 24:35

Langit tutang tana ahkan dilap, tahpi karoauh-Ku mohcon turus-jaham.”

MARKUS 13:31

Langit tutang tana ahkan dilap, tahpi auh-Ku tehen kototahiuoh.’’

LUKAS 12:39

Ingatrih tuh! Jahkaoh, tuan lohpou rih ta'an jam pira ponahkou lombut, io ahkan monjaga mangat ponahkou eam duon nyolong nokuh luwang lohpouoh.

RUMA 8:20

Tului ijopindalangit jari tonohonouoh monjadi luhtek eam kotului konohuangoh bongoi, tahpi kotului Pohotala mohonouoh kodorih. Oluka kodorih anai ka'a horapan ihto tuh.

1 KORINTUS 1:8

Kristus bongoi ahkan monjamin ihkam nyiring aang kolaiuoh; mangat aang ohkot Io lombut hoduli, ihkam tonyombang-Oh eam aro kosalan.

1 KORINTUS 5:5

ihkam harus nyorahoh ulun rih ahkan Sehtan mangat behtin ulun rih rusak, tutang honong kodorih rohoh tonyolamat ang ohkot Tuhan lombut hoduli.

1 TESALONIKA 5:2

Kotului ihkam bongon kota'an honong jelas, ijo Ondou polombut Tuhan rih ahkan johcok kolou ponyilou lombut a'ang ngolomi ondou.

1 TESALONIKA 5:4

Tahpi ihkam eamoh ulun ijo bolum ang luwang kopindong, nyiring ondou orih nokonyat ihkam, kolou polombut ponyilou.

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,

2 PETRUS 3:12

kotahin ihkam ngindoioh tutang morinduoh polombutoh Ondou Pohotala. Aang Ondou rih langit ahkan opah bosaha, tutang tului kopodioh, mahka ramu-ramu ijo ang langit ahkan lonyuh.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’

PONGORINAH 20:11

Uliorih ahku nohto ihco pododusan puhti ijo hajo tutang Io ijo tuot ang ngosanoh. Langit tutang tana dilap tahkan husuk-Oh, nyiring eam gihtan hino.

PONGORINAH 21:1

Turus ahku nohto langit ijo bohua, tutang tana ijo bohua. Langit pahtuk tutang tana pahtuk ka nihou, hawui tasik dilap.

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.

PONGORINAH 6:14

Langit dilap kolou korahtas tonombalun, tutang paring puruk tutang pulou-pulou tokisat tahkan unukoh.