2 PETRUS 2:9 - BOWOT BOHUA

⁹ Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

2 PETRUS 2:9 ပူးပေါင်းရင်းမြစ်များ

MATEUS 10:15

Ingatrih! Ang Ondou Kiamat, ulun-ulun ang lowu Sodom tutang Gomora ahkan labih jeleng tongahpun bain Pohotala tahkan ulun-ulun ang lowu orih!”

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

RUMA 2:5

Tahpi ihkam mahang kuhung tutang eam kani hubah. Bain tului orih ihkam bongomrih ijo ngambot hukum'mu monjadi tambah bahat aang Ondou Kiamat, amat Pohotala ngorinah kosangit-Oh tutang momuatoh hukum ijo adil.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

2 TIMOTEUS 3:12

Puna paring ulun ijo kani bolum sombayang tutang bolum hihco umba Kristus Yesus ahkan tongoporos,

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

2 PETRUS 3:7

Tahpi langit tutang tana ijo anai uhuntuh, tonohaga bain auh Pohotala, rih ka'a ahkan tongondian umba baho noin. Uhuntuh langit tutang tana magun tonohaga johcok aang ondou ulun-ulun ijo ja'at tonohukum tutang tongondian.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.