2 PETRUS 2:4 - BOWOT BOHUA

⁴ Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

2 PETRUS 2:4 ပူးပေါင်းရင်းမြစ်များ

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MATEUS 8:29

Iro soluka tahkan luwang kolowong tanom tutang ngoriak, “Anak Pohotala, ahkan Ihko nguan inon umba ihkai? Inonkah Ihko nohuang ngoporos ihkai olu ka jaham johcok ohkotoh?”

MARKUS 5:7

Umba auh ijo muhing io bokociak, ‘‘Yesus, Anak Pohotala Ijo Pahamisung! Ahkan ihko nguaninonoh ahku tuh? Aang aran Pohotala, ahku nyawot, ararih nyiksa ahku!’’ (

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

LUKAS 8:31

Roh ja'at rih nyawot honong paham, mangat Yesus ara muko iro nokuh luwang Lowong Popahtoi.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

RUMA 11:21

Tului amat Pohotala eam komo sayang ahkan ndian ulun Yahudi, ijo kolou da'an-da'an asli rih, ara ngohu Io ahkan komo sayang ahkan ndian Konduang!

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

2 PETRUS 2:11

Rahatrih molehkat-molehkat ijo mahcu koba'asoh tutang kowasaoh tahkan guru-guru polasu rih eam ndawa dolang aangbolum ijo tonohoromat rih, umba auh-auh pohina ang toharep Tuhan.

2 PETRUS 2:5

Kolourih hino umba kolunon jaman ijo lomoi. Pohotala eam mohonau liwus tahkan hukum. Pohotala ngirim danumsuhu hajo nokuh kolunon, ulun-ulun ijo ja'at ang ohkot rih. Tihkas Noah homboh umba pihtu behti bohkonoh iou, ijo tonyolamatoh, Tului Noah monyiar kabar tohou pombolum ijo ngojorih ahtoi Pohotala.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

YUDAS 1:13

Sama kolou luhcak ijo nyawung ang tasik, polombut puhtak, kolourih ka'a iro hopohtak gawiu-gawiu ijo ngomia. Iro anairih kolou potion-potion ijo kindah-kondaha, tutang ijo jari tonyodia unukoh bain Pohotala, ang luwang kopindong, ijo paling paham ahkan turus-jahamoh.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.