2 PETRUS 2:21 - BOWOT BOHUA

²¹ Labih pios ulun-ulun somahcam rih eam pu'u ngosono jalan komorong tahkan Pohotala, tahkanumba iro ngosonooh, tahpi pongohuli eam kani nutut poretah-poretah ijo tononga Pohotala ahkan iro.

2 PETRUS 2:21 ပူးပေါင်းရင်းမြစ်များ

MATEUS 21:32

Tului Yohanes Popondus lombut, tutang ngorinah ahkan'kam cara bolum numbun kohondak Tuhan, tahpi ihkam eam kani porocaya aang ajaranoh; tahpi ponagih-ponagih pajak tutang bawi-bawi luteu porocaya umba io. Tahpi oluka ihkam jari nohto paring aang rih, ihkam eam ka'a ngubah tiruk'kam tutang eam porocaya umba Tuhan.”

LUKAS 12:47

Pohalu orih ijo kota'an konohuang tuanoh, tahpi eam botahtap tutang eam nguan konohuang tuanoh rih ahkan tonomahcat ijo karas.

YOHANES 15:22

Jahkaioh Ahku eam lombut tutang eam nuhtui paringoh rih ahkan iro, iro eam bodusa. Tahpi huntuh iro eam aro pahkingoh hino bagi dusan iro.

YOHANES 9:41

Yesus mutah, ‘‘Jahkaioh ihkam bobulen, ihkam eam bodusa. Tahpi tului ihkam nuhtui, ‘Ihkai nohto,’ orih rimai ihkam magun bodusa.’’

RUMA 7:12

Hukum agama asaroh lombut tahkan Pohotala, tutang nyinong poretah luwang hukum rih lombut-Oh tahkan Pohotala, jari adil tutang pios.

GALATIA 6:2

Hondakoh ihkam saling hokodohop ngohtun puat ulun bohkon ka'a mangat umba kolourih ihkam moneet poretah Kristus.

1 TESALONIKA 4:2

Tului ihkam jari kota'an, potunjuk-potunjuk ijo jari ihkai nongaoh ahkan'kam, ngosan kowasan Tuhan Yesus.

1 TIMOTEUS 6:14

Ne'etrih umbaparing poretah orih socara brasih, tutang eam sala johcok ang ondou Tuhan ihto Yesus Kristus lombut hoduli.

IBRANI 10:26

Kobain amat borihta ijo morong tahkan Pohotala, jari tonyampairih ahkan ihto, tahpi ihto tahtap iou nguan dusa, hawui songaja, mahka eam anai hino porahpah hapa muhi dusan ihto.

YAKOBUS 4:17

Tului orih, ulun ijo ta'an inon ijo hinut ijo harus io tononguaioh, tahpi eam tononguaioh, ulun rih bodusa.

2 PETRUS 3:2

Ahku nyuhumopingat mangat ihkam bingat, ahkan auh-auh ijo lomoi tonohawot bain nabi-nabi Pohotala, tutang poretah-poretah tahkan Tuhan, Lahca Ponyolamat, ijo tonyorihtaoh ahkan'kam nguha rasul-rasul.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.