2 PETRUS 2:19 - BOWOT BOHUA

¹⁹ Guru-guru polasu rih, mbowot komorodehka ahkan ulun-ulun rih, rahatoh iro bongoi nohojihpon bain kopahtuh-kopahtuh ijo morusak ulun. Tului amat ulun tonokalah bain angihco, mahka io jihpon tahkan ijo mopokalahoh rih.

2 PETRUS 2:19 ပူးပေါင်းရင်းမြစ်များ

YOHANES 8:34

‘‘Tu'u morong auh-Ku tuh,’’ hion Yesus ahkan iro. ‘‘Ulun ijo monguan dusa, anairih jihpon dusa.

KESAH RASUL-RASUL 19:16

Turus ulun ijo sonalung sehtan rih nokehcuk tutang nocahap iro, honong bosiak samasino nyiring iro nokehcuk tahkan lohpou rih honong bohima-himang hawui hoburang, tului hahtin iro tomorutat tahkan behtin iro.

GALATIA 5:1

Ihto uhuntuh morodehka! Tului Kristus jari momorodehka ihto! Tului rih potahanohrih komorodehka'kam, tutang ara kani tonojihpon hino.

GALATIA 5:13

Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.

2 TIMOTEUS 2:26

Honong kodorih iro monjadi borondong hoduli, tutang liwus tahkan sokohtung Sehtan, ijo jari nawan iro, tutang maksa iro numbun konohuangoh.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

1 PETRUS 2:16

Hondakrih ihkam bolum kolou ulun marodehka, tahpi ara hapa komorodehkaan'mu rih ahkan hapa monyuhuk koja'at, molekan bolumrih kolou jihpon Pohotala.

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.