2 PETRUS 2:13 - BOWOT BOHUA

¹³ Kolou palos ngosan karot ijo jari iro kotuluioh, iro ahkan ngarot koporos. Bagi iro, hal ijo nyanang ahtoi iorih nguan inon iou, ang tohun ondou, ahkan meda konohuang behtin iro. Amat iro tuot hombo-homboh ihkam a'ang pesta kuman, cara iro kojilok, kotului iro bobusou bain kojorik bolai.

2 PETRUS 2:13 ပူးပေါင်းရင်းမြစ်များ

RUMA 13:13

Ihto harus nguan hal-hal tonohoromat kolou ijo kopu'uoh, konuan ulun aang koloang ondou. Ara pesta rami molowi bahtasoh, ata'ai nyiring bobusau. Ara ngihal, ata'ai tobiat eam morong. Ara rajin hokolahi, ata'ai hiri ahtoi.

EPESUS 5:27

Honong kolourih Kristus nguan ukup rih tombok hawui ponohajo tutang borasih ang husuk-Oh, earo cahcat ata'ai sala inon ka.

PILIPI 3:19

Pombolum ulun-ulun kolourih ahkan kolaiou honong koluhtek, tului pohotalan iro anairih kojolik bereng iro bongoi. Hal-hal ijo mopomia, justru ijo orihrih ijo iro monamamrih, kotului iro niruk baya hal-hal ijo tohorong umba kolunon tuh iou.

2 TIMOTEUS 4:14

Aleksander, tuhkang tombaga rih jari nguan hal-hal ijo ja'at samsino toharep ahku. Tuhan ahkan malos io numbun anggawiuoh.

YAKOBUS 5:5

Ihkam ius bolum molowi tutang nginyam kosanang ang kolunon tuh. Ihkam koloujahka rahat pomonyak arop, ahkan ondou ponyombalih.

1 PETRUS 4:4

Huntuh ulun ijo eam kosono Tuhan, helan, ijo ihkam eam umba bolum kolou iro, nginyam dusa eam aro tihkas. Orihrih kotuluioh iro mohina ihkam.

2 PETRUS 2:15

Tului iro eam kani nitoi jalan ijo morong, mahka iro sosat. Iro ngomin jalan ijo tonitoi bain Bileam anak Beor lomoi. Bileam orih jolik samasino dahpot duit, tahkan gawiou ijo ja'at.

PONGORINAH 18:6

Nguanohrih io koloukuwoh io jari monguanoh ihkam; malosrih io duo tikat lihpet ahkan paring ijo jari tonguaioh. Nyuang pihkanoh umba korih ijo duo tikat labih kokarasoh tahkanumba korihoh, ijo tonyodiaoh ahkan ihkam.