2 PETRUS 2:1 - BOWOT BOHUA

¹ Ang ohkot ijo tokalou, ang louk ukup Pohotala, jari lombut nabi-nabi polasu. Kolourih ka'a ang marak ihkam, ahkan lombut guru-guru polasu. Iro ahkan moposolong ajaran-ajaran ijo eam tu'u, ijo morusak ulun. Tutang iro ahkan ngorana Pongowasa ijo jari moliwus iro. Honong kolourih, iro mopolombut korusak ngosan aropoh bongoi, ijo ahkan nopahas iro hawui jion.

2 PETRUS 2:1 ပူးပေါင်းရင်းမြစ်များ

MATEUS 10:33

Tahpi ia-iai ijo eam ngahku Ahku ang toharep ulun aro ijo io orih murid-Ku, Ahku ka'a ahkan eam ngahku io ang toharep Amai-Ku 'jo ang soruga.”

MATEUS 24:11

Aro nabi-nabi pobula ahkan lombut, tutang ngobula aro ulun.

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

MATEUS 24:5

Bain aro ulun ahkan lombut honong hapan aran aik-Ku tutang nuhtui, ‘Ahku Lahca Ponyolamat!’ Iro ahkan monihpu aro ulun.

MATEUS 7:15

“Rondo-rondong toharep nabi-nabi polasu. Iro lombut nokuh ihkam hobukus bulu tobiri, tahpi iro kotu'ui kolou horomaung ijo bosiak.

MARKUS 13:22

Tului ponyolamat-ponyolamat bobalik, tutang nabi-nabi bobalik ahkan lombut. Iro ahkan nguan gawi-gawi ijo luar biasa, tutang kahtahelan-kahtahelan, ahkan ngobalik amat duon, ukup Pohotala ka'a.

LUKAS 12:9

Tahpi ulun ijo ngulim ang tohimo ulunaro ijo io murid-Ku, io ahkan tongulim ka'a bain Anak Ulun ang tohimo karon-molehkat Pohotala.

LUKAS 21:8

Yesus nuhtui, ‘‘Rondo-rondongrih, ara nyiring ihkam tongobula. Aro ulun ahkan lombut tutang mahapa arak-Ku, tutang nuhtui, ‘Ahku tuh Io!’ tutang ‘Johcok ohkotoh.’ Tahpi a'ai ihkam ngohasu iro.

LUKAS 6:26

Colahkarih ihkam, jahka paring ulun monara ihkam; tului kolouorih ka'a tahtu ajuh iro monara nabi-nabi pobula jaman lomoi.’’

RUMA 16:18

Tului ulun-ulun ijo nguan kodorih bohkonoh bogawi ahkan Kristus Tuhan ihto, molekan ahkan momeda kojolikahtoi'ndo bongoi. Honong bujukan tutang tuhtui ijo manih-monyak iro nihpu ulun-ulun ijo eam ngota'an ino-inon.

1 KORINTUS 11:19

Puna jari kopahtutoh lombut kopisah ang louk ihkam, mangat gihtan noin ia-iai ulun Kristen ijo sojahti.

1 KORINTUS 6:20

Pohotala jari moli ihkam tutang jari mbayaroh hawui lunas. Kobain rih, hapa behtin'kam kodorih kolou, nyiring Pohotala tonohoromat.

1 KORINTUS 7:23

Pohotala jari moli Konduang tutang lunas bayaroh. Tului orih, a'ai Konduang nyarah behti mangat monjadi jihpon kolunon.

GALATIA 2:4

Oluka anai ulun-ulun ijo hojojuan hal rih. Iro anairih ulun-ulun ijo nosolat nokuh luwang barih ihto, tutang nyoruwa kolou konduang. Iro nyolong honong toni-tonih ahkan nyolidik komorodehka ijo anai aang ihto, kotului ihto hihco umba Kristus Yesus. Iro kani mombuli ihto, aang koada'an ijo pahtuk lomoi kolou jihpon,

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

GALATIA 4:17

Ulun-ulun ijo bohkon rih, umba tuwi somangat ngurah ihkam, tahpi maksud-maksud iro eam pios. Iro baya jolik mahtot kohihco umba ihkai, mangat ihkam nutut iro umba tuwi somangat.

GALATIA 5:20

aang nyembah songiangdewa tutang koruhoi, a'ang bomusuh-musuh, hokolahi, hokobohu, jeleng bosingi, tutang kogunan aropoh bongoi; kopusit tutang bopihak-pihak,

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

PILIPI 3:19

Pombolum ulun-ulun kolourih ahkan kolaiou honong koluhtek, tului pohotalan iro anairih kojolik bereng iro bongoi. Hal-hal ijo mopomia, justru ijo orihrih ijo iro monamamrih, kotului iro niruk baya hal-hal ijo tohorong umba kolunon tuh iou.

KOLOSE 2:18

A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

KOLOSE 2:8

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

1 TIMOTEUS 5:8

Tahpi amat anai ulun ijo eam mohaga aring-konduangoh, labi-labih jolahaioh bongoi, ulun rih ngulim koporocayaoh; io labih ja'at tahkan ulun ijo eam porocaya.

2 TIMOTEUS 4:3

Tului ahkan johcok ohkotoh, ulun eam hino norima ajaran ijo morong. Tobalikoh, iro ahkan numbun kojolik iro bongoi, tutang mupung aro guru, guna majar hal-hal ijo momih konahan ang tolingan'ndo.

TITUS 1:11

Ulun-ulun kolouorih harus tomangop bauioh, tului iro monderohrih aro bobuhan umba ajaran-ajaran ijo eam-eam. Iro nguan orih, tihkas kotului kani ngurah utung ijo eam pantas!

TITUS 3:10

Ulun ijo kotuluioh kopusit ang ukup pios ihko ningaksino, duo tikat; uliorih rih ara hino pahkat umba io.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

1 PETRUS 1:8

Ihkam ngasih Io, oluka soun ihkam eam nohto Io. Tutang ihkam porocaya umba Io, oluka houn ihkam eam nohto-Oh. Orih kotuluioh ihkam jorih, tutang nginyam kojorih ijo hajo tutang eam duon tonyorihta.

2 PETRUS 2:3

Tului iro bokuhu, mahka guru-guru polasu rih ahkan monyorihta ahkan'kam sorihta-sorihta ijo tonongarang bongoi ahkan ngomin utung tahkan ihkam. Tahpi bosara ahkan monopahas hukuman ahkan ngosan iro jari tahi tonyodia, tutang korusak jari tonahtap ahkan iro, rahat ngindoi iro.

1 YOHANES 2:26

Ahku nyurat tuh ahkan'kam, tohou ulun-ulun ijo rahat bousaha monihpu ihkam.

1 YOHANES 4:1

Konduang-konduang ijo tonyita! Ararih porocaya ahkan paring ulun ijo mongahku arop anaingina Roh, Pohotala, tahpi ngujirih houn iro, ahkan mongota'an, inonrih roh ijo anai aang iro rih asar tahkan Pohotala ata'ai eam. Bain aro nabi polasu jari bokumbang nokuh umo-umoh.

YUDAS 1:18

Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 3:8

Ahku kota'an inon ijo ihkam nguai. Ahku kota'an ijo ihkam eam popira koba'as; ihkam, jari numbun ajar-Ku, tutang tehen umba Ahku. Bagin ihkam jari Ahku nguap ihco bauntukang, ijo eam dahpot tongahtop bain iai ka ka'a.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.

PONGORINAH 6:10

Iro ngombak hawui auh ijo muhing, ‘‘Yo Tuhan Ijo Mahakowasa, ijo borasih tutang morong! Pira kotahiu hino punan Ihko mosara ulun kolunon, tutang mohukum iro, tului iro jari munu ihkai?’’