2 PETRUS 1:7 - BOWOT BOHUA

⁷ Tutang bolum numbun konohuang Pohotala harus ka'a tonyukup umba kasihsayang'kam umba konduang-konduang ihcokoporocaya. Koturus-Oh hondakrih kasihsayang ahkan konduang-konduang ihcokoporocaya, ndahang umba ngasi toharep paring ulun.

2 PETRUS 1:7 ပူးပေါင်းရင်းမြစ်များ

RUMA 12:10

Konohuangoh Konduang-konduang saling mongasih ihco umba 'jobohkon honong mesra kolou ulun-ulun ijo hokonduang a'ang ihco kojolahan. Tutang konohuangoh ihkam saling hotosolu nonga horomat.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

KOLOSE 3:14

Tutang ijo boguna, iorih: Ihkam harus saling mongasih. Kotului kasih orihrih ijo pohihco Konduang-konduang paringoh nyiring monjadi soporuna.

1 TESALONIKA 3:12

Keleh Tuhan nguan ihkam mahimahi mongasih ihco sama ijobohkon, tutang mahi ka'a ngasi paring ulun, nyiring kasih'kam rih botambah-tambah toturus, sama kolou kasih ihkai umba ihkam.

1 TESALONIKA 5:15

Jagarih mangat ara anai ijo malos koja'at umba koja'at. Bousaharih toturus ahkan nguan ang pios, ihcobehti ahkan ijo bohkon tutang ahkan paring ulun.

IBRANI 13:1

Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 2:17

Moregarih paring ulun, ngasirih konduang-konduang'mu sama Kristen. Mihkohrih umba Pohotala, tutang horomatrih umba Kaisar.

1 PETRUS 3:8

Kolopuhtaioh iorih; hondakrih Konduang-konduang soiyoh sotutui tutang hihco-nanyam. Hondakrih ihkam saling ngasi-sayangoh kolou ulun-ulun ijo hokonduang. Tutang hondakrih ihkam saling hobalos-ngasihan rih, tutang sikap randah ahtoi.

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:16

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!

1 YOHANES 4:21

Kotului rih, tuhrih poretah ijo tononga Kristus ahkan ihto: Ia-iai ngasih Pohotala harus ngasih konduangoh ka'a.