2 PETRUS 1:4 - BOWOT BOHUA

⁴ Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

2 PETRUS 1:4 ပူးပေါင်းရင်းမြစ်များ

RUMA 9:4

Iro anairih ukup ijo tonopili tutang Pohotala ngonjorian iro anak-anak Aiu bongoi, honong pokarah kowasa-Oh ahkan iro. Io poanaioh bowot umba iro, tutang nonga ahkan iro hukum agama. Pohotala mborihtaoh ahkan iro, koloukuwoh iro harus sombayang tutang iro jari norima hino bowot-bowot-Oh.

2 KORINTUS 1:20

Tului nguha Io, Pohotala jari nuhtui ‘‘Yo’’ toharep paring bowot-Oh. Hogalang orihrih ihto ngohawot ‘‘Amen’’ ahkan Pohotala kotului Yesus Kristus. Ihkai nguan kodorih mangat Pohotala tonohoromat.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 6:17

Tului orih, Nohtahrih iou ulun-ulun ijo eam ngosono Pohotala rih, tutang pisah ohrih iou arop'mu tahkan iro. Ara hojelut samasino umba ijo pali, mahka Ahku ahkan norima ihko.

GALATIA 3:16

Bowot-bowot Pohotala tonapa bain Pohotala bagi Abraham tutang bagi ulun lihit Abraham. A'ang Surat Borasih eam tonyurat, ‘‘Tutang bagi ulun-ulun lihit Abraham,’’ ijo rimai aro ulun. Ijo tonyurat ang anan anairih ‘‘tutang bagi ulun lihit'mu,’’ rimai ihcobehti iou, iorih Kristus.

GALATIA 6:8

Amat ulun ngombulan numbun tobiat kolunoioh, io ahkan ngohtom popahtoi tahkan tobiatoh rih. Tahpi amat io ngumbulan numbun totiring Roh Pohotala, io ahkan ngohtom pombolum sojahti tutang kototahiu tahkan Roh Pohotala.

EPESUS 4:13

Honong kodorih ihto paringoh monjadi ihco, bain koporocaya ijo sama, tutang kohorahti ijo sama tohou Anak Pohotala. Tutang ihto monjadi ulun-ulun ijo dewasa, ijo mahi tahi mahi botambah kosoporuna kolou Kristus.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.

IBRANI 12:10

Ulun oko ihto ijo ang kolunon, majar ihto tihkas aang ohkot ijo botihkas, numbun inon ijo iro nanyam pios. Tahpi Pohotala majar ihto ahkan kopios ihto bongon, mangat ihto dahpot monjadi borasih hombo-homboh umba Io.

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 PETRUS 3:13

Tahpi ihto ngindoi inon ijo jari tonobowot Pohotala, yorih langit ijo bohua, tutang tana ijo bohua, ang amoh sombang koadilanoh.

2 PETRUS 3:9

Tuhan eam borahkah nonga inon ijo jari tonobowot-Oh, oluka anai ihco ngohu kolourih. Sobalikoh Io sabar toharep'kam, kotului Io eam kani ihcobehti ka rusak. Io jolik mangat paring ulun hubah tahkan dusai-dusaioh.

1 YOHANES 2:25

Tutang Jituh ijo tonobowot Kristus bongoi ahkan ihto; bolum sojahti tutang kototahiu.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.