2 PETRUS 1:3 - BOWOT BOHUA

³ Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.

2 PETRUS 1:3 ပူးပေါင်းရင်းမြစ်များ

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

RUMA 9:24

Ihto ijo jari tona'ah-Oh, eam baya tahkan uhtus Yahudi, tahpi ka'a tahkan uhtus ulun bohkon.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

2 KORINTUS 12:9

Tahpi Tuhan muhtah, ‘‘Ahku ngasih ihko tutang rih jari sukup ahkan'kam; tului kowasak-Ku, justru paling ba'as amat'kam ang koada'an bolomu.’’ Orih kotuluioh ahku labih sanang namam umba kolomu-kolomu'ku, tului amat ahku bolomu, mahka justru, a'ang ohkot orihrih ahku komo Kristus ngolindung ahku umba koba'as-Oh.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 4:4

Tihkas anai ihco bereng tutang ihco Roh. Kodorih ka'a ihkam, tona'ah ahkan ihco koharap ijo sama.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

KOLOSE 1:16

Tului nguha Iorih Pohotala monaoioh karo ang'co ang soruga tutang ang ngosan tana, karo ang'co ijo gihtan tutang ijo eam gihtan, nyakum ka'a roh-roh ijo bokowasa tutang ijo moretah. Sohopus aangpindalangit tuh tona'oi nguha Kristus tutang ahkan Kristus.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

1 TESALONIKA 4:7

Pohotala na'ah ihto, eam mangat ihto bolum kihal, molekan mangat ihto bolum umba cara ijo ngojorih ahtoi-Oh.

2 TESALONIKA 2:14

Ahkan orihrih Pohotala na'ah ihkam nguha Kabar Hinut ijo ihkai mborihta-Oh ahkan'kam. Pohotala na'ah ihkam, kotului Io kani, mangat ihkam umba nginyam kohajon Tuhan ihto Yesus Kristus.

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

1 PETRUS 1:15

Sombalikoh, hondakrih ihkam borasih a'ang kokaro angihco ijo ihkam nguai, sama kolou Pohotala ijo na'ah ihkam rih borasih.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 2:21

Bagi orihrih Pohotala jari na'ah ihkam. Bain Kristus bongoi jari mongarot ahkan'kam, tutang umba orih Io nonga ahkan'kam ijo sutu, mangat ihkam nutut lohkui-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 3:9

Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

2 PETRUS 1:10

Kotului orih, Konduang-konduang, bousaha iou labih ba'as mangat ta'ah Pohotala tutang pitih-Oh ngosan arop'mu rih monjadi mahi segah. Amat ihkam nguan rih, ihkam eam ahkan murtad.

2 PETRUS 1:2

Keleh Pohotala nonga borehkat tutang kosanang ahkan'mu hawui momurai, bain ihkam ngosono Pohotala tutang Yesus, Tuhan ihto.

2 PETRUS 1:5

Bain kotului orih bousaha tu'u-tu'u, mangat ihkam tehtep porocaya umba Kristus tutang koporocaya'mu rih, tonyukah bain pombolum ijo pios. Ang bambai pombolum ijo pios, ihkam porulu monjadi ulun ijo anai pongotaan,

2 PETRUS 1:6

tutang ang bambai pongotaan, ihkam harus ka'a dahpot mongowasa arop. Tutang bohkonumba dahpot mongowasa arop, hondakrih ihkam ka'a momupuk arop, ahkan tabah noharep kokaron aang'co. Ang bambai tabah noharep kokaron aang'co, ihkam harus ka'a bolum numbun konohuang Pohotala.

2 PETRUS 1:8

Paringoh rih anairih sipat-sipat ijo ihkam poroluoh. Amat sipat-sipat orih anai a'ang ihkam hawui momurai, ihkam ahkan monjadi giat tutang bohasir, tutang kosono Yesus Kristus Tuhan ihto honong labih pios hino.

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus