2 PETRUS 1:11 - BOWOT BOHUA

¹¹ Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

2 PETRUS 1:11 ပူးပေါင်းရင်းမြစ်များ

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

YOHANES 10:10

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

1 KORINTUS 15:24

Uliorih nyolung kiamat. Aang ohkot rih Kristus ahkan ngominda karon pomoretah, karon kowasa, tutang karon koba'as; turus Io ahkan nyorah kowasa-Oh kolou Lahca, ahkan Pohotala, Amai ihto.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

EPESUS 3:20

Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

2 TIMOTEUS 4:18

Puna Tuhan ahkan moliwus ahku, tahkan nyinong gawi ijo ja'at toharep ahku. Io ahkan ngomin ahku honong solamat, nokuh luwang Kolahca'an-Oh ang soruga. Hondakrih Io tonohajo turus-jahamoh! Amen.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 6:17

Pohotala kani nuhkasrih ahkan ulun-ulun ijo norima bowot-Oh, ijo Io eam ahkan ngubah rancana-Oh. Orihrih kotuluioh Io ndahang tulut aang bowot-Oh rih.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 PETRUS 1:5

Bain kotului orih bousaha tu'u-tu'u, mangat ihkam tehtep porocaya umba Kristus tutang koporocaya'mu rih, tonyukah bain pombolum ijo pios. Ang bambai pombolum ijo pios, ihkam porulu monjadi ulun ijo anai pongotaan,

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 5:10

Ihko jari ngonjodian iro ihco uhtus khusus imam-imam, mangat iro mohalu Pohotalan ihto tutang moretah ang ngosan tana.’’