2 PETRUS 1:1 - BOWOT BOHUA

¹ Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 PETRUS 1:1 ပူးပေါင်းရင်းမြစ်များ

MATEUS 10:2

Aran koduo balas rasul rih, iorih: Pahtukoh Simon (ijo konohawot ka'a Petrus) tutang konduangoh Andreas, turus Yakobus tutang konduangoh Yohanes, iro rih anak-anak Sebedeus.

MATEUS 4:18

Kotihka Yesus beteng nyalan ang saran Danou Galilea, Io nohto duo behti pongohcin, iorih Simon (ijo pongo hino konohawot ka'a Petrus) doro arioh Andreas. Iro beteng nawan ohcindanum ang danou rih umba jala.

LUKAS 1:47

tutang moruak'ku paham kojorihoh, tului Pohotala Ponyolamat'ku.

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

YOHANES 1:42

Andreas ngitot Simon nokuh Yesus. Yesus nutuneng Simon, hawui nuhtui, ‘‘Ihko Simon anak Yona. Ihko ahkan konohawot Kefas.’’ (Kefas sama umba Petrus, rimaioh: puruk bahtu.)

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

YOHANES 20:21

Turus Yesus nuhtui umba iro sino hino, ‘‘Tabe kosanangkomangat bagi'kam. Kolou Amai nyuhu Ahku, kodorih ka'a Ahku nyuhu ihkam.’’

KESAH RASUL-RASUL 15:14

Simon punai ih mborihta koloukuwoh Pohotala aang pahtukoh pokarah konohuang-Oh umba ulun-ulun bohkon Yahudi, honong konohuang ngopili tahkan iro ulun-ulun bohkon ijo ahkan monjadi ukup-Oh.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 1:12

Konohuang'ku iorih, tului ihto sama-sama jari porocaya umba Yesus Kristus, mahka ihto dahpot saling hokomba'as.

RUMA 1:17

Tului umba Kabar Hinut rih Pohotala ngorinah kolouinon caraoh kohihco kolunon umba Pohotala, monjadi hinut hoduli; caraoh iorih honong porocaya umba Pohotala, tahkan pahtuk nyiring laiuoh. Orih sama kolou ijo tonyurat luwang Surat Borasih, ‘‘Ulun ijo porocaya umba Pohotala nyiring kohihcooh umba Pohotala monjadi hinut hoduli, ulun orih ahkan bolum!’’

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 15:9

Ahku anairih rasul Tuhan ijo paling randah. Ahku eam pahtut konohawot rasul, tului ahku jari nyiksa ukup ain Pohotala.

1 KORINTUS 9:1

Eamkah ahku ulun morodehka? Eamleh ahku tuh rasul? Kuwoh ahku jaha pu'u nohto Yesus, Tuhan ihto? Kuwoh ihkam eam bua gawik'ku ahkan Tuhan?

2 KORINTUS 4:13

Ang luwang Surat borasih sombang auh tuh, ‘‘Ahku porocaya, orih kotuluioh ahku bopander.’’ Nah, umba somangat porocaya ijo kolourih ka'a, ihkai bopander tului ihkai porocaya.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 2:8

Kotului Pohotala nonga ahkan Petrus koulih ahkan monjadi rasul ulun Yahudi, nongarih ka'a ahkak'ku koulih ahkan monjadi rasul ulun bohkon Yahudi.

EPESUS 3:5

Lomoi rahasia orih eam pu'u tomborihta ahkan ulun, tahpi huntuh Roh Pohotala ius ngorinahohrih ahkan rasul-rasuloh tutang nabi-nabi-Oh.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

EPESUS 4:5

Tihkas anai ihco Tuhan, ihco koporocaya, ihco pompandus,

PILIPI 1:1

Konduang-konduang ukup Pohotala, paringoh ijo mohcon ang Pilipi, tutang ijo jari hihco umba Kristus Yesus. Ka'a Konduang-konduang okon hawui pondohop ukup! Ahku, Paulus tutang Timoteus karon-jihpon Kristus Yesus,

PILIPI 1:29

Kotului Pohotala jari nonga pononga ahkan'kam, eam tihkas ahkan porocaya umba Kristus, tahpi ka'a ahkan komo kokarot bagi Kristus.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

2 TIMOTEUS 1:5

Ahku ingat ahkan koporocayaan'mu ijo tu'u-tu'u umba Kristus, sama kolou koporocayaan ajuh'mu Luis tutang inai'mu Eunike. Tutang ahku yahkin ihko ka porocaya kolou orih.

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.

TITUS 1:4

Titus, ihko puna anairih anak'ku, kotului ihko tutang ahku, sama-sama ius porocaya umba Kristus. Ahku moharap, keleh Pohotala, Amai, tutang Kristus Yesus Lahca Ponyolamat ihto, nonga borehkat tutang kosanang ahkan'mu.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

YAKOBUS 1:1

Konduang-konduang ukup Pohotala paringoh ijo kosoburan ang sohapus kolunon! Tahbe tahkan ahku, Yakobus, jihpon Pohotala tutang jihpon Tuhan Yesus Kristus.

1 PETRUS 1:1

Konduang-konduang ukup ponitih Pohotala, ijo bororawu ang ponomuoi ang tana Pontus. Galatia, Kapadokia, Asia tutang Bitinia! Ahku Petrus rasul Yesus Kristus, moharap, keleh Pohotala nonga berkat tutang kosanang ahkan'mu nyiring momujar-mujar. Ihkam ponitih monjadi ukup Pohotala, tohorong umba rancana Pohotala, Amai. Tutang Roh Pohotala jari monjodian ihkam ukup ijo borasih, khusus ahkan Pohotala, mangat ihkam te'et umba Kristus tutang tonomuhi bain daha-Oh.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 PETRUS 2:7

Bahtu rih paham borega ahkan ihkam ijo porocaya. Tahpi bagi ulun-ulun ijo eam porocaya, nyolung ayat-ayat Surat Borasih pongo tuh. ‘‘Bahtu ijo eam hapan bain tuhkang-tuhkang pomangun rih bokorinah monjadi bahtu ijo mombahtang.’’

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

2 PETRUS 1:4

Umba cara orihrih Pohotala monyarah ahkan ihto, borehkat-borehkat ijo paham luar biasa, tutang borega ijo jari tonobowot-Oh. Umba borehkat-borehkat rih ihkam duon tokuwat tahkan kojolik-kojolik ja'at, ijo morusak ang kolunon tuh, tutang ihkam norima sipat Pohotalai.

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,