2 KORINTUS 9:8 - BOWOT BOHUA

⁸ Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

2 KORINTUS 9:8 ပူးပေါင်းရင်းမြစ်များ

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

2 KORINTUS 13:3

Mahka ihkam ahkan nyombang paring bukti ijo ihkam jorikoh ijo Kristus moro-morong bopander nguha ahku. Amat Kristus botindak toharep ihkam, Io eam botindak bolomu-lembai, sobalikoh Io ngorinah kowasai-Oh ang louk ihkam.

2 KORINTUS 8:19

Ang tahtup orihrih, ulun ijoorih jari topihtih ka'a, tutang tonuhkas bain ukup-ukup ahkan jolahan ihkai aang ponyalan 'kai. Kotului ihkai ahkan nguan ponyalan, ahkan ngihtot pononga rih, mangat Tuhan tonohajo, tutang mangat ihkam nohto, ijo ihkai rela dohop.

2 KORINTUS 8:2

Iro ius touji umba kosusahan-kosusahan ijo bahat. Tahpi ang tohun-tohun kosusahan-kosusahan rih, iro jorih tutang paham sanang ahtoi a'ang mononga sumbangan ahkan dohop ulun bohkon, oluka iro bongoi porosbolum samasino.

2 KORINTUS 8:7

ihkam unggul a'ang pari-paringoh. Ihkam unggul a'ang hal kaporocaya, a'ang hal ngorinah tiruk, a'ang hal pongotaan, a'ang paring mahcam usaha, tutang a'ang sitan'kam umba ihkai. Kotului orihrih pios ihkam ka'a unggul ang luwang usaha ijo hinut tuh.

2 KORINTUS 9:11

Honong kodorih ihkam ahkan serba sukup aang kokaro hal, nyiring ihkam turus dahpot nonga hawui murah ahtoi. Tutang pononga-pononga'kam, ijo ihkai magi-magioh, kotuluioh aro ulun ngohawot torimakasih ahkan Pohotala.

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 3:20

Umba kowasan Pohotala ijo giat bogawi ang luwang arop ihto. Pohotala dahpot nguan mahcu labih aro, tahkan inon ijo dahpot ihto nyawot ata'ai nirukoh.

PILIPI 4:11

Ahku nyorihta tuh eam tului ahku tahpas, tului ahku jari bolajar nanyam puas umba inon ijo anai.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

2 TIMOTEUS 2:21

Ulun ijo porasih aropoh tahkan paring ijo ja'at, ulun rih tohapan ahkan gunan ijo mombahtang. Io monjadi ain ijo khusus tutang boguna ahkan tuanoh. Io tonahtap ahkan tohapan bagi nyinong gawiu ijo pios.

2 TIMOTEUS 3:17

Umba Surat Borasih rih, ulun ijo mohalu Pohotala dahpot tonyuhkup honong soporuna ahkan kokaron mahcam gawi ijo hinut.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

1 PETRUS 4:10

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.