2 KORINTUS 8:7 - BOWOT BOHUA

⁷ ihkam unggul a'ang pari-paringoh. Ihkam unggul a'ang hal kaporocaya, a'ang hal ngorinah tiruk, a'ang hal pongotaan, a'ang paring mahcam usaha, tutang a'ang sitan'kam umba ihkai. Kotului orihrih pios ihkam ka'a unggul ang luwang usaha ijo hinut tuh.

2 KORINTUS 8:7 ပူးပေါင်းရင်းမြစ်များ

MATEUS 25:22

Turus pohalu ijo norima duo kuhjan duit bulou orih lombut, tutang nuhtui, ‘Tuan, Tuan jari nyarah duo kuhjan duit bulou ahkak'ku. Nohtooh, ahku bohasir duon utung duo kuhjan duit bulou hino.’

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

1 KORINTUS 1:5

Kotului ihkam monjadi ain Kristus, mahka pombolum'kam tahtou a'ang dolang hal. Pongotaan'kam tohou dolang angihco puna timbon, tutang ihkam ahpik ngajar pongotaan rih.

1 KORINTUS 12:13

Kodorih ka'a ihto paringoh, pios ulun Yahudi, oluka ulun bohkon Yahudi, jihpon-jihpon oluka ulun morodehka; ihto paringoh jari tomopondus bain Roh ijo sama orih, mangat ihto monjadi ihco ang behtin Kristus rih. Ihto paring ka'a komo Roh ijo ihco rih kotuwioh.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 13:8

Eam pu'u ahkan anai wayah, ang umoh ulun eam porulu saling hopongasih. Uhuntuh, tuh anai ulun ijo ahpik nyiar borihta tahkan Pohotala, tahpi noin io ahkan tondo nyiar borihta rih. Uhuntuh anai ijo ahpik bopander a'ang bomahcam basa ijo helan, tahpi noin io ahkan tondo bopander aang basa-basa rih. Huntuh anai ulun ijo ngota'an aro hal, tahpi noin inon ijo iro ngota'ai rih ahkan tonolingou.

1 KORINTUS 14:12

Tohou ihkam bongom, ahku kota'an ihkam jolik samasino dahpot pononga-pononga tahkan Roh Pohotala. Tahpi ijo mombahtang samasino, harusrih ihkam ngurahjalan ahkan hapan kosanggup ijo dohop ukup monjadi miar.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

2 KORINTUS 7:7

Ahtoi ihkai dahpot apung eam iou kotului Titus jari lombut, tahpi ka'a kotului io nyorihta, koloukuwoh ahtoioh tomapung bain ihkam. Io mborihta ahkan ihkai, ijo ihkam rindu samasino hosombang umba ahku; ijo ihkam monyasal ahkan gawin'kam lomoi, tutang huntuh rela dohop ahku. Hal rih nguan ahku labih jorih hino.

2 KORINTUS 8:6

Orih kotuluioh ihkai paham nganjur Titus – ijo nopara usaha tuh – mangat io noturus usaha, ijo pios tuh ang louk ihkam ka'a,

2 KORINTUS 9:14

Mahka iro ahkan mondo'akan ihkam umba nanyam kasihsayang, tului Pohotala karas hinut ahtoi ahkan'kam.

2 KORINTUS 9:8

Pohotala bokowasa nonga ahkan ihkam borehkat ijo molowi murai, mangat ihkam toturus anaingina inon ijo ihkam poruluoh; malahan ihkam ahkan labih aro ahkan nguan angpios tutang boamal.

EPESUS 4:29

Amat ihkam pander ara hapa tuhtui-tuhtui ijo ja'at. Hapa iourih tuhtui-tuhtui ijo majar tutang nonga pondohop ahkan ulun bohkon. Tuhtui-tuhtui kolourih ahkan mompolombut komorong ahkan ulun-ulun ijo ngonihoh.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 1:9

Tuhrih do'a'ku ahkan ihkam; keleh ihkam mahi-mahi monyita Pohotala tutang hawuiarop tutang turus ndahang timbon pongotaan ijo morong tutang topahjah ijo kopihtar.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

2 TIMOTEUS 2:1

Timoteus, anak'ku! Hondakrih ihko monjadi ba'as, bain pononganasi ijo tononga ahkan ihto, kotului ihto hihco umba Kristus Yesus.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

2 PETRUS 3:18

Hondakrih ihkam mahi-mahi anai nginyam pononganasin Yesus Kristus, Tuhan tutang Lahca Ponyolamat ihto, tutang hondakrih ihkam ka'a mahi-mahi kosono Io. Tararih Io, tahkan huntuh tutang nyiring turus-jahamoh! Amen. Horomat ihkai, Petrus

PONGORINAH 3:17

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.