2 KORINTUS 8:4 - BOWOT BOHUA

⁴ iro nyawot honong paham umba ihkai, amat tou iro umba dohop nonga sumbangan ahkan ukup Pohotala ang Yudea.

2 KORINTUS 8:4 ပူးပေါင်းရင်းမြစ်များ

MATEUS 10:42

Ia-iai ijo nonga korih, olu tihkas danum sorongin borangai ahkan anai ihcobehti tahkan ulun-ulun jo hinasusah, kotului io murid-Ku, porocaya ih io musti norima upahoh!”

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MARKUS 14:7

Ulun porosbolum toturus anai ang marak ihkam. Nyinong kotihka amat ihkam kani, ihkam duon dohop iro. Tahpi Ahku eam hototurus hihco umba ihkam.

KESAH RASUL-RASUL 11:29

Mahka paring murid Yesus rih pahkat ahkan ngirim pononga ahkan konduang-konduang ijo mohcon ang Yudea; nyinong-behti nonga numbun koduonoh.

KESAH RASUL-RASUL 16:15

Lidia tutang 'cakojolahan ang lohpouoh ponopondus. Uli ponopondus io morawe 'kai, io nuhtui, ‘‘Amat Konduang-konduang komo ahku tu'u-tu'u jari porocaya umba Tuhan Yesus, olai mohcon ang lohpou ehkai.’’ Turus io hojojuan, mangat ihkai kani numbun auh sawotoh.

KESAH RASUL-RASUL 24:17

Ulijari pira-pira toun eam anai ang Yerusalem, ahku huli nokuh anan, turus ngihtot duit pondohop ahkan uhtus'ku tutang ahkan nonga porahpah ahkan Pohotala.

RUMA 15:31

Bodo'arih iou, ahkan Pohotala moliwusoh ahku tahkan longon ulun-ulun ijo eam porocaya ang Yudea, tutang mangat gawik'ku ahkan ngitot pononga nokuh Yerusalem, tonorima honong sanang ahtoi bain ukup Pohotala ang anan.

1 KORINTUS 16:1

Uhuntuh tohou duit ijo ihkam kani nongaoh ahkan sama ihto ulun Kristen, ahku pingat mangat ihkam nguai sorurui potunjuk ijo jari ahku nonga ahkan ukup-ukup ang Galatia.

1 KORINTUS 16:15

Konduang punaoh ngosono Stepanus tutang ukup jolahai; iro ijo pahtukoh monjadi ulun Kristen ang Akhaya. Iro honong kotuwi ahtoi, bogawi khusus ahkan mohalu ukup Pohotala.

2 KORINTUS 9:1

Kotu'uioh eam porulu hino ahku nyurat ahkan ihkam tohou pondohop ijo rahat tongirim ahkan ukup Pohotala ang Yudea.

GALATIA 2:10

Ihco-ihcooh ponyawot iro, iorih, mangat ihkai nohtoani ulun porosbolum. Tutang ahku puna sanang nguan hal orih.

GALATIA 6:10

Jadi, kotahin anai kosapet bagi ihto, hondakrih ihto nguan ang pios ahkan paring ulun, mombahtang sino ahkan konduang-konduang ihto ijo hihco koporocaya.

1 TIMOTEUS 5:10

bosewut kolou ulunbawi ijo nguan hal-hal ijo pios, kolou misaroh; jari pohajo anak-anakoh honong pios, sanang norima bohkonuhtus nginap ang lohpouoh, mohalu ulun-ulun porocaya, mondohop ulun-ulun ijo susah, tutang nguan rih hawui tu'u-tu'u, kokaro mahcam gawi ijo pios.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.