2 KORINTUS 8:2 - BOWOT BOHUA

² Iro ius touji umba kosusahan-kosusahan ijo bahat. Tahpi ang tohun-tohun kosusahan-kosusahan rih, iro jorih tutang paham sanang ahtoi a'ang mononga sumbangan ahkan dohop ulun bohkon, oluka iro bongoi porosbolum samasino.

2 KORINTUS 8:2 ပူးပေါင်းရင်းမြစ်များ

MATEUS 20:15

Inon ahku eam tou nguan numbun kokani'ku umba ijo aik'ku? Ata'ai rih ihko bohiri, tului ahku pios ahtoi?’ ”

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

RUMA 2:4

Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 2:9

Ahku nyurat surat tuh ahkan'kam, mangat nohuang ahkan nguji ihkam, inon ihkam turus kani numbun karon-potunjuk tahkan ahku.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

2 KORINTUS 9:11

Honong kodorih ihkam ahkan serba sukup aang kokaro hal, nyiring ihkam turus dahpot nonga hawui murah ahtoi. Tutang pononga-pononga'kam, ijo ihkai magi-magioh, kotuluioh aro ulun ngohawot torimakasih ahkan Pohotala.

2 KORINTUS 9:13

Tutang tahkan kobajikan ijo ihkam ngorinahoh rih, aro ulun Kristen ang Yudea ahkan monara Pohotala kotului iro nohto kosotia'kam norima Kabar Hinut tohou Kristus ijo ihkam nututoh orih. Ka'a iro monara Pohotala, tului ihkam puna murah ahtoi ahkan mbagi-bagioh ahkan iro, tutang ahkan paring ulun bohkon, inon ijo anai ang ihkam.

1 TESALONIKA 1:6

Ihkam nutut sutun ihkai tutang sutun Tuhan. Oluka ihkam paham ngarot, ihkam noharang hawui jorih borihta ijo ihkai mborihtaoh ahkan'kam. Kojorih orih tononga bain Roh Pohotala.

1 TESALONIKA 2:14

Konduang-konduang! Hal ijo ihkam nyuruoh, jari tonyuru ka'a bain ukup-ukup Pohotala ang Yudea ijo jadi ain Kristus Yesus. Ihkam monyuru karot tahkan hila uhtus'kam bongom, sama kolou ijo tonyuru bain ukup-ukup Pohotala ang Yudea rih tahkan sila ulun-ulun Yahudi.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.