2 KORINTUS 7:4 - BOWOT BOHUA

⁴ Ahku ngina koporocaya tuwi ahkan'kam. Malah ahku namam samasino toharep'kam! Oluka ihkai nyuru aro kosusah, ahtoi'ku paham konapung tului ihkam. Ahtoi'ku tu'u-tu'u jorih!

2 KORINTUS 7:4 ပူးပေါင်းရင်းမြစ်များ

KESAH RASUL-RASUL 5:41

Rasul-rasul nohtah Majelis Agama rih tutang hawui kojorih tului Pohotala jari ngohu iro harus ahkan dahpot hinaan kotului Yesus.

RUMA 5:3

Tutang molowi tahkan orih, ihto ka jorih ang luwang kokarot, tului ihto kota'an ijo kokarot rih napa ulun monjadi bokehtep,

1 KORINTUS 1:4

Ahku toturus botorimakasih ahkan Pohotala tohou ihkam, bain ihkam ius norima pononganasi tahkan Pohotala nguha Kristus Yesus.

2 KORINTUS 1:4

Io ngoba'as homboruan ihkai ang nyinong kosusah ijo ihkai nyuruoh, mangat hapa koba'as rih ijo ihkai norimaoh tahkan Pohotala, ihkai ka dahpot ngoba'as homboruan paring ulun ijo a'ang kosusahan.

2 KORINTUS 10:8

Ahku eam mia, amat ahku harus labih aro namam-namam umba kowasa ijo jari tononga Tuhan ahkan ihkai, kotului kowasa orih, tononga ahkan mangun ihkam, eam ijo ahkan ngahkasoh.

2 KORINTUS 11:21

Ahku mia ngahku, ijo ihkai dalou bolomu, ahkan nguan kolou orih rih. Tahpi inon ijo ulun bohkon bohanyi tamam, ahku bohanyi ka'a! (Ahku bopander kolou ulun uong.)

2 KORINTUS 2:14

Torimakasih ahkan Pohotala! Io toturus niting ihkai ahkan umba aang pawai komanang Kristus, tului ihkai bolum hihco umba Io. Pohotala mohapa ihkai, mangat borihta tohou Kristus tosiar kolou buan harum ijo semerbak koumo-umoh.

2 KORINTUS 3:12

Bain kotului ihkai anaingina koharap kolourih, mahka ihkai bohanyi bopander kodorih.

2 KORINTUS 7:14

Ahku puna jari kotama-tamam ihkam ahkaioh. Torimakasihrih, ihkam eam mopomia ahku. Paring ijo pu'u ihkai nuhtui ahkan'kam anairih morong. Kodorih ka'a, inon ijo ihkai nama-namamoh tohou ihkam ahkan Titus korinah morong hino.

2 KORINTUS 8:24

Ihkai harap ihkam ngorinah sitan'kam ahkan iro, mangat paring ukup kota'an ijo ihkam ngasih iro, tutang ijo inon ijo ihkai naraoh tohou ihkam anairih morong.

PILIPI 1:14

Tutang konohukum'ku, jari kotuluioh, arotu'u tahkan ulun-ulun Kristen ang lowu tuh, monjadi labih yahkin hino ahkan Tuhan, nyiring iro mahi bohanyi mborihtaoh pohtoh Pohotala honong eam aro mihko-mihkoh.

PILIPI 1:20

Ijo ahku paham jolik tutang harapoh, iorih mangat ara sasino-sino ahku gagal a'ang tugas'ku. Sabalikoh ahku bokoharap mangat nyinong wayah, ijo mombahtang sino huntuh, ahku honong sikap bohanyi, nyiring hopus homboruak behtik'ku – pios ahku bolum ata'ai ahku mahtoi – Kristus tonohajo.

PILIPI 1:26

Kobain orih, amat ahku noin hoduli nokuh'kam, ihkam ijo jari hihco umba Kristus Yesus, ahkan anai labih aro hino sokehta ahkan komo tamam ngosan arop'ku.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

1 TESALONIKA 2:19

Punatu'u ihkamrih koharap tutang kojorih ihkai. Tului noin amat Tuhan Yesus lombut, tutang ihto noharep-Oh, mahka ihkamrih ijo ahkan monjadi kotamam ihkai!

1 TESALONIKA 2:2

Ihkam ta'an ijo, sounmba ihkai lombut ahkan'kam ang Tesalonika, ihkai jari tonoporos tutang tonohina ang Pilipi. Tahpi oluka, aro ulun molawan ihkai, Pohotalan ihto jari nonga ihkai kohanyi ahkan mborihta ahkan'kam Kabar Hinut ijo asar-Oh tahkanmba-Oh.

2 TESALONIKA 1:4

Orihrih kotuluioh ombai ihkai bopander tohou ihkam nyinong tikat ihkai masap ukup-ukup Pohotala. Honong tamam ihkai monyorihta, koloukuwoh ihkam tohtap tehen porocaya umba Kristus, ang parak tonoporos tutang ngarot ijo ihkam nyuruoh.

PILEMON 1:7

Konduang Pilemon, kasih'mu rih toharep paring ukup Pohotala, ngojorih ahku tutang nonga ngojuhung ahkak'ku! Paring ulun ukup Pohotala jari monjadi jorih tului Konduang.

YAKOBUS 1:2

Konduang-konduang! Amat ihkam nyuru mahca-mahcam ujian, hondakrih ihkam komo borutung.