2 KORINTUS 7:11 - BOWOT BOHUA

¹¹ Cuba ihkam nohtoani inon buaoh aang'kam, bain kosedihan ijo sorurui umba kohondak Pohotala! Buaoh, iorih ihkam tu'u-tu'u ngurahjalan ahkan nokining kokoruh! Ihkam monjadi bosingi toharep dusa, ihkam mihkoh, ihkam rindu, ihkam monjadi bosomangat, ihkam rela mohukum ijo bosala! A'ang paring persoalan tuh ihkam jari ngorinah, ijo ihkam eam bosala.

2 KORINTUS 7:11 ပူးပေါင်းရင်းမြစ်များ

MARKUS 3:5

Honong kosangitoh Yesus nohto hoponyila Io, tahpi Io porosahtoi ka'a, tului iro dalou mahang ahtoi'ndo. Turus Io nuhtui umba ulun rih, ‘‘Nuhcu longon'mu.’’ Ulun rih nuhcu longoioh ka tutang longoi pios.

YOHANES 2:17

Mahka murid-murid-Oh toringat ahkan ayat Surat Borasih tuh, ‘‘Kasih-Ku ahkan Lohpou-Mu, yo Pohotala, ijo monyaha ahtoi-Ku.’’

KESAH RASUL-RASUL 17:16

Pondehan Paulus ngindoi Silas doro Timoteus, ahtoioh sedih nohto lowu rih tuwi umba karon kopahtung dewa.

RUMA 11:20

Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

RUMA 14:18

Ulun ijo mohalu Kristus cara kolourih, ulun rih ngojorih ahtoi Pohotala tutang tomorega bain ulun-ulun bohkon.

RUMA 3:5

Tahpi amat komorong Pohotala jari mahi-mahi korinah, bain tului ihto nguan ijo eam morong, inonrih ijo kani ihto nuhtuioh? Ijo Pohotala eam adil amat Io mosara ihto? (Puna kisok orih wajar numbun kolunon.)

1 KORINTUS 12:25

Honong kolourih, behti rih eam topisah-pisah; nyino-nyinong ramui nohtoani ihco umba ijo bohkon.

1 KORINTUS 5:2

Oluka kodorih, Konduang magun isung ahtoi. Tobalikoh Konduang sopunaoh porosahtoi, tutang hobarih tahkan louk Konduang, ulun ijo nguan hal orih.

2 KORINTUS 13:7

Ihkai bodo'a umba Pohotala, pios Io kani dohop ihkam mangat eam nguan kosalan. Eamoh ahkan pokarah, ijo ihkai tuh puna cakap nguan gawi, tahpi mangat ihkam nguan inon ijo Pohotala hondakoh – nauh topahjahoh ihkai gagal, eam ombai!

2 KORINTUS 2:6

Bagi ulun ijo mahcam orih, hukum ijo tononyok ahkaioh bain ulunaro ang louk Konduang jari sukup.

2 KORINTUS 6:4

Sobalikoh, a'ang kokaron hal, ihkai ngorinah ijo ihkai anairih jihpon-jihpon Pohotala. Tului, karon mahcam kosusah jari ihkai ngarotoh hawui sabar,

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

2 KORINTUS 7:7

Ahtoi ihkai dahpot apung eam iou kotului Titus jari lombut, tahpi ka'a kotului io nyorihta, koloukuwoh ahtoioh tomapung bain ihkam. Io mborihta ahkan ihkai, ijo ihkam rindu samasino hosombang umba ahku; ijo ihkam monyasal ahkan gawin'kam lomoi, tutang huntuh rela dohop ahku. Hal rih nguan ahku labih jorih hino.

2 KORINTUS 7:9

Tahpi ahtoi'ku sonang huntuh – eam tagal ahtoi'mu monjadi sedih – molekan, kotului kosedihan'kam rih, ngonjorian hadat'kam hubah. Puna kosedihan'kam rih, tohorong umba kohondak Pohotala. Jadi ihkai eam morugi ihkam.

2 KORINTUS 9:2

Ahku kota'an ihkam kani ndohop, tutang ahku jari monamamoh ihkam, umba ulun-ulun ang Makedonia. Ahku nuhtui ahkan iro ijo tahkan toun ijo nokalou konduang-konduang ang Akhaya ius tahtap ahkan nonga pondohop. Tutang somangat'kam jari ka'a himun somangat sobagian hajo tahkan iro.

EPESUS 4:26

Amat ihkam sangit, ararih mohonou kosangit rih, kotuluioh ihkam bodusa. A'airih bosingi sohopus ondou,

EPESUS 5:11

A'ai nguan gawi-gawi ijo eam boguna ijo tonguan kobain ulun-ulun ijo bolum ang kopindong. Tobalikoh, hondakrih ihkam momburang hal-hal mahcam orih. (

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

1 TESALONIKA 4:6

A'ang hal kolouorih, a'ai ihcobehti ka nguan kosalan umba konduangoh ata'ai ka monihpuoh. Lomoi ihkai jari nonga tingak ijo paham ahkan'kam, ijo Tuhan ahkan mohukum ulun-ulun ijo nguan kosalan-kosalan kolouorih.

1 TIMOTEUS 5:20

Ulun ijo nguan dusa harusrih toningak ang toharep hopus ukup, mangat ijo bokon monjadi mihkoh.

2 TIMOTEUS 2:15

Hondakrih ihko bousaha tu'u-tu'u mangat tongahku bain Pohotala, kolou ulun ijo layak bogawi bagi-Oh. Bousaha iou mangat ihko eam mia tohou gawin'mu, molekan majar hawui kona ajaran-ajaran morong tahkan Pohotala.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 PETRUS 2:2

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

YUDAS 1:23

Nguhut rih ulun-ulun soluka tahkan luwang baho, ahkan monyolamatoh iro. Toharep ulun-ulun bohkonoh, hondakrih ihkam ngorinah kasih mongasih tonohawui nanyam mihkoh, tahpi bosingirih nyiring hahtin iro ka ijo jari tongoluhtak umba kojolik iro ijo bodusa.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.