2 KORINTUS 7:1 - BOWOT BOHUA

¹ Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

2 KORINTUS 7:1 ပူးပေါင်းရင်းမြစ်များ

MATEUS 12:33

“Ahkan dahpot bua ijo pios, bahtangoh pahtut bosiwuh. Amat bahtangoh eam bosiwuh, buaoh eam pios ka'a. Bosiwuh eamoh ihco bahtang kahju, tongota'an tahkan buaoh.

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

MATEUS 5:8

Kosanangsolamat ahkan ulun ijo borasih ahtoioh; iro ahkan kosono Pohotala.

KESAH RASUL-RASUL 9:31

Mahka ukup-ukup ang hopus Yudea, Galilea tutang Samaria nyolung boranai. Aang pondohop Roh Pohotala, homboh mihkoh umba Tuhan ukup-ukup rih botambah ba'as tutang mondahang aro.

RUMA 5:20

Ijo nonga hukum agama Yahudi iorih Pohotala bongoi. Tahpi mahi-mahi ulun ngurah-jalan moneet hukum rih, mahi-mahi iro noturungoh tutang bodusa toharep Pohotala. Oluka kodorih, mahi-mahi ulun napa dusa, Pohotala mahi-mahi ka'a masi iro.

1 KORINTUS 6:20

Pohotala jari moli ihkam tutang jari mbayaroh hawui lunas. Kobain rih, hapa behtin'kam kodorih kolou, nyiring Pohotala tonohoromat.

2 KORINTUS 1:20

Tului nguha Io, Pohotala jari nuhtui ‘‘Yo’’ toharep paring bowot-Oh. Hogalang orihrih ihto ngohawot ‘‘Amen’’ ahkan Pohotala kotului Yesus Kristus. Ihkai nguan kodorih mangat Pohotala tonohoromat.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

1 TESALONIKA 3:13

Honong kodorih Tuhan ahkan ngomba'as ahtoi'kam, nyiring ihkam borasih, tutang eam aro kosalai ang toharep Pohotala, Amai ihto, ang ohkot Tuhan ihto Yesus Kristus lombut homboh paring ulun ijo monjadi Aiu-Oh.

1 TESALONIKA 4:7

Pohotala na'ah ihto, eam mangat ihto bolum kihal, molekan mangat ihto bolum umba cara ijo ngojorih ahtoi-Oh.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

IBRANI 6:9

Tahpi Konduang-konduang ijo ahku ngasihoh, olu sinoka ihkai nuhtui kolourih, tahpi ihkai yakin tohou ihkam. Ihkai yakin ijo ihkam ius monorima hal-hal labih pios, iorih borehkat-borehkat ijo kolou bagian tahkan kosolamat'kam.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

1 PETRUS 1:15

Sombalikoh, hondakrih ihkam borasih a'ang kokaro angihco ijo ihkam nguai, sama kolou Pohotala ijo na'ah ihkam rih borasih.

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 1:9

Tahpi amat ihto ngahku dusa-dusan ihto ahkan Pohotala, Io ahkan molalus bowot-Oh, tutang nguan inon ijo adil. Io ahkan ngapun dusa-dusan ihto tutang ngomuhi ihto tahkan karo gawin ihto ijo sala.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.