2 KORINTUS 6:9 - BOWOT BOHUA

⁹ Ihkai tonongohu eam tongosono tahpi ihkai tongosono bain paring ulun. Ihkai tonongohu mahtoi, tahpi bokorinah ihkai magun bolum. Oluka ihkai tonoporos, ihkai eam mahtoi.

2 KORINTUS 6:9 ပူးပေါင်းရင်းမြစ်များ

KESAH RASUL-RASUL 17:18

Guru-guru aliran Epikuros tutang aliran Stoa hokolawan ka'a umba io. Pira-pira tahkan iro nuhtui, ‘‘Ulun tuh kota'an inon? Pongotaanoh baya honjiot, tahpi aro nyamaioh!’’ Pira-pira ijo bohkon nuhtui, ‘‘Kolouoh io mborihta tohou dewa-dewa uhtus bohkon.’’ Iro nuhtui kolouorih, tului Paulus pander tohou Yesus, tutang tohou bolum hoduli uli mahtoi.

KESAH RASUL-RASUL 19:26

Uhuntuh Konduang jari nohto tutang ngonih bongon, inon ijo konuan bain Paulus rih. Io nuhtui ijo dewa-dewa ijo tonapa bain kolunon samasino eamrih dewa. Tutang io jari bohasir nguan aro ulun porocaya umba ajaroh, eam tihkas ang ohtoi ang Epesus, tahpi bilak ang hapus tana Asia ka'a.

KESAH RASUL-RASUL 25:19

Iro baya hokobohkon paham umba io tohou agaman iro bongoi tutang tohou ihcobehti ijo bogare Yesus. Ulun orih jari mahtoi, tahpi Paulus mborihta ijo behtin Yesus rih jari bolum hoduli.

KESAH RASUL-RASUL 25:26

Tahpi ahku eam dahpot aangihco kotorangan ijo tegas tohou aropoh mangat tonyurat luwang surat aik'ku ahkan Kaisar. Orih kotuluioh ahku potoharep io umba Tuan-tuan paringoh, pahtukoh sasino ahkan ijo tohoromat Baginda Agripa! Konohuang'ku iorih amat uli pomoriksa tuh anai bahan ahkak'ku unuk nyurat.

RUMA 15:19

ijo pohayak kohelan-helan tutang hal-hal luar biasa, paringoh rih bain kowasa Roh Pohotala. Kabar Hinut tohou Kristus jari ahku mborihtaoh paringoh ahkan ulun-ulun, nopara tahkan Yerusalem johcok nokuh Ilirikum.

RUMA 8:36

Aang Surat Borasih tonyurat koloutuh, ‘‘Nyinong ondou ihkai bolum ang luwang bohaya mahtoi tului Ihko. Ihkai pononguaioh ulun kolou tobiri ijo ahkan sonomalih.’’

1 KORINTUS 11:32

Tahpi amat ihto tonohukum Pohotala Io ahkan mahcat ihto, mangat ihto ara buah hukum homboh kolunon tuh.

1 KORINTUS 15:31

Konduang-konduang! Nyinong ondou ahku tahan ngarot-koporos, kotului ahku namam ngosan pombolum'kam, tului ihkam jari porocaya umba Kristus Yesus, Tuhan ihto.

1 KORINTUS 4:9

Kotului numbun tiruk'ku, ihkai karon-rasul, ius tonapa bain Pohotala, kolou tutunan ang boun ulun tutang bola molehkat. Ihkai kolou ulun-ulun hina ijo tonipa umba hukum mahtoi ang boun ulun aro tutang tonolahap kobain kolunon.

2 KORINTUS 11:6

Mihkoh ahku kurang ahpik bopander, tahpi tohou pongotaan, ahku eam ulun palong. Orih jari ihkai mbuktioh ahkan ihkam luwang kokaro hal.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

2 KORINTUS 5:11

Ihkai kota'an inon rimai mihkoh umba Tuhan; orih kotuluioh ihkai bousaha moyakin ulun tohou arop ihkai. Pohotala ngosono ihkai sotimbon-timbonoh tutang ahku harap ihkam ka, ngosono ihkai ang luwang ahtoi'kam.