2 KORINTUS 5:9 - BOWOT BOHUA

⁹ Kotului orih ihkai bousaha tu'u-tu'u ahkan nyanang ahtoi-Oh, pios ohkot ihkai magun anai ang luwang lohpou ihkai ang ohtoi, ata'ai ka ang anan.

2 KORINTUS 5:9 ပူးပေါင်းရင်းမြစ်များ

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

KESAH RASUL-RASUL 10:35

Ulun ijo mihkoh ahkan Pohotala, tutang nguan ijo morong ulun orihrih tonorima bain Pohotala, eam poduli io tahkan uhtus inon.

RUMA 14:18

Ulun ijo mohalu Kristus cara kolourih, ulun rih ngojorih ahtoi Pohotala tutang tomorega bain ulun-ulun bohkon.

RUMA 14:8

Amat ihto bolum, ihto bolum ahkan Tuhan. Tutang amat ihto mahtoi, ihto ka mahtoi ahkan Tuhan. Jadi, bolum ata'ai mahtoi, ihto anai Ain Tuhan.

RUMA 15:20

Cihta-cihta ahtoi'ku iorih mborihta Kabar Hinut tahkan Pohotala ang karon-unuk ang amoh ulun jaha ngonih tohou Kristus. Tului ahku eam kani nombok ang konuak'ku isun galang ijo konina bain ulun bohkon.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

2 KORINTUS 5:6

Kotului orih ahtoi ihkai hototurus komo ba'as. Ihkai kota'an, ijo kotahin ihkai magun mohcon ang luwang behtin ihkai tuh, ihkai mahcu tahkan lohpou, ijo ahkan ihkai mohconoh homboh Tuhan.

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

EPESUS 1:6

Tonotararih ahkan Pohotala ijo Hajo, kotului nguha Anak-Oh ijo tongasih Io paham ngasih ihto.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

1 TESALONIKA 4:1

Laiuoh Konduang-konduang, ihkai jari nonga sutu ahkan'kam, tohou koloukuwoh ihkam harus bolum ahkan ngojorih ahtoi Pohotala. Kopuna ihkam jari bolum kolourih. Tahpi huntuh ngosan kowasan Tuhan Yesus, ihkai nyawot honong paham umba'kam, tutang nyuhu ihkam mangat paham bousaha hino a'ang hal orih!

1 TESALONIKA 4:11

Bousaha iou bolum honong teneng tutang eam umba sampur posoalan ulun bohkon. Hondakrih ihkam bogawi ngurah napakah bongon, koloukuwoh ihkai lomoi jari moretah'kam.

1 TIMOTEUS 4:10

Orihrih kotuluioh, ihto kolahi tutang bogawi paham, kotului ihto moharap sotuwioh umba Pohotala ijo bolum; Iorih Ponyolamat paring ulun, kopahtukoh sosino ulun-ulun ijo porocaya.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.