2 KORINTUS 5:1 - BOWOT BOHUA

¹ Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

2 KORINTUS 5:1 ပူးပေါင်းရင်းမြစ်များ

MARKUS 14:58

‘‘Ihkai pu'ungonih ulun tuh nuhtui, ‘Ahku ahkan ngahkas Lohpou Pohotala tuh ijo konuan bain ulun, tutang uli tolu ondou, Ahku ahkan nombok ijo bohkon ijo eam tonapa ulun.’ ’’

KESAH RASUL-RASUL 7:48

Olukodorih Pohotala Ijo Mahaisung eam mohcon ang luwang lohpou ihco tonapa ulun; tului ang luwang buhku nabi tonyurat koloutuh,

1 KORINTUS 3:9

Ihkai anairih ulun-ulun ijo hombo-homboh bogawi ahkan Pohotala; tutang ihkam anairih kolou umon Pohotala. Konduang-konduang anairih ka'a kolou lohpou Pohotala.

2 KORINTUS 4:7

Tahpi ponahtou rohani ijo komok orih, ihkai ngomiuoh ang luwang arop ihkai ijo eam borega tuh, ijo tonapa tahkan tana. Honong kodorih korinah bain kohajon kowasa rih mohcon aang Pohotala tutang eam aang ihkai.

2 KORINTUS 5:4

Kotahin ihto mohcon ang luwang lohpou ijo tahkan tana tuh, ihto munguh kotului puat ihto bahat. Eamoh kotului ihto jolik bolohkak tahkan behtin ihto ijo tahkan tana tuh. Tahpi tului ihto jolik mokehpanoh behtin ihto ijo tahkan soruga rih, mangat behtin ihto ijo tou mahtoi tuh, tongowasa bain ijo bolum.

KOLOSE 2:11

Kotului hihco umba Kristus, ihkam jari tonyunat, eam umba sunat ijo tonguan bain longon ulun, molekan umba sunat ijo konuan bain Kristus, ijo momorodehka ihkam tahkan kowasan tobiat ijo bodusa.

2 TIMOTEUS 1:12

Orihrih kotuluioh ahku ngarot paringoh tuh, tahpi ahku tahtap yahkin, tului ahku ta'an tu'u, iai ijo ahku porocayaoh. Ahku yahkin, ijo inon ijo jari Io morocayaoh ahkak'ku. Io sanggup ka'a monjagaoh johcok aang Ondou Kiamat.

IBRANI 11:10

Kotului Abraham rahat ngindo-ngindoi lowu ijo torocana tutang tonombok bain Pohotala umba galang ijo segah.

IBRANI 9:11

Tahpi Kristus jari lombut kolou Imam Hajo, tahkan hal-hal ijo hinut ijo jari anai. Kemah Tuhan, ang umoh Io nguan gawiu-Oh kolou Imam Hajo, anairih kemah ijo labih hajo, tutang labih soporuna. Orih eam tonguan bain ulun; rimaioh eam boasar tahkan kolunon ijo tona'oioh tuh.

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.

1 PETRUS 1:4

Ihto bokoharap ahkan anaitepun borehkat-borehkat ijo tonyodia Pohotala ahkan ukup-Oh, yorih borehkat-borehkat ijo tongina-Oh ang soruga, nyiring eam dahpot rusak, ata'ai monjadi maram, ata'ai ka luntur.

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,

1 YOHANES 3:14

Ihto ta'an ijo ihto jari soluka tahkan popahtoi, tutang jari hahtun nokuh pombolum. Ihto ta'an rih kotului ihto masi hawui konduang ihto. Ulun ijo eam masi, rimai magun konowasa bain popahtoi.

1 YOHANES 3:19

Kolouorih caraoh ihto ta'an ijo ihto angbarih anak-anak Pohotala ijo morong, tutang ahtoi ihto dahpot teneng ang toharep Pohotala.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.