2 KORINTUS 4:7 - BOWOT BOHUA

⁷ Tahpi ponahtou rohani ijo komok orih, ihkai ngomiuoh ang luwang arop ihkai ijo eam borega tuh, ijo tonapa tahkan tana. Honong kodorih korinah bain kohajon kowasa rih mohcon aang Pohotala tutang eam aang ihkai.

2 KORINTUS 4:7 ပူးပေါင်းရင်းမြစ်များ

MATEUS 13:44

“Amat Pohotala momoretah, koada'aioh kolou porobasa tuh: anai ponahtou ijo bosuhuk ang luwang tana, turus tonyombang bain ihcobehti ulun, tutang sonuhukoh huli nokuh luwang tana. Pongohino tului kojorihoh, ulun rih tulak bodagang opah ponahtou-ponahtou aiouoh, turus hoduli tutang moli tana rih.”

MATEUS 13:52

Turus Yesus nuhtui, “Bain orih nyinong guru agama, ijo ius monjadi barih Pohotala, sama umba ihcobehti tepun lohpou mopolua tahkan unuk ponahtouoh, ponahtou-ponahtou bohua tutang usang.”

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

1 KORINTUS 1:28

Pohotala ngopili ijo tongohu randah, hina, tutang malah ijo tongohu eam boguna bain kolunon tuh, mangat Pohotala morusakoh ijo tongohu boguna kobain kolunon tuh.

2 KORINTUS 10:10

Ulun nuhtui, ‘‘Surat-surat Paulus rih tegas tutang bopongaroh, tahpi amat io bongoi anai ang tohun-tohun ihto, aropbongoioh bolomu tutang tuhtui-tuhtuioh eam borima ino-inon.’’

2 KORINTUS 13:4

Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

KOLOSE 2:3

Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 4:4

Nyinong ulunbahkas ang louk ihkam, pahtut ngota'an, koloukuwoh bolum hihco oruhoh, umba cara ijo ngojorih ahtoi Pohotala tutang kolunon.

2 TIMOTEUS 2:20

Ang luwang lohpou ijo hajo, todahpot mahca-mahcam pokahkas. Anai ijo tonapa tahkan perak, ata'ai bulou, tahpi anai ka'a ijo tahkan kahju, ata'ai tana. Anai ijo tohapan ahkan gunan ijo mombahtang, tutang anai ka'a tohapan ahkan koporluan bahut.