2 KORINTUS 4:6 - BOWOT BOHUA

⁶ Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

2 KORINTUS 4:6 ပူးပေါင်းရင်းမြစ်များ

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 11:40

Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’

YOHANES 12:41

Yesaya nuhtui kodorih tului io jari nohto kohajon Yesus, tutang bopander tohou Io.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

2 KORINTUS 2:10

Amat ihkam mapun ulun ijo jari nguan kosalan toharep'kam, mahka ahku ka mapun ulun rih. Tului inon ijo jari ahku mapunoh – amat puna anai ijo porulu tonahpun – orih ahku ngapunoh ang toharep Kristus ahkan kopios ihkam.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 1:17

Ahku nyawot mangat Pohotala, Tuhan ihto Yesus Kristus, Amai ijo tonohoromat nonga Roh-Oh ahkan'kam. Roh orih ahkan monjadian ihkam pitar, tutang ahkan mongorinah Pohotala ahkan'kam, nyiring ihkam ngosono Io.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

PILIPI 2:6

Aang dasaroh Io sama umba Pohotala, tahpi Io eam komo ijo koada'ai-Oh ijo kopohotalai rih harus tonohtahan-Oh.

KOLOSE 1:15

Kristus anairih gambar ijo korinah gihtan tahkan behtin Pohotala ijo eam gihtan; Kristus anairih anak ijo poohkooh, labih mombahtang tahkan kokaro ijo tona'oioh.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

1 PETRUS 1:12

Ahkan nabi-nabi rih Pohotala momborihta, ijo inon ijo iro nguai eam ahkan gunan iro, molekan bagi'mu; yotuh hal-hal ijo uhuntuh, tuh ihkam ngonih honong korinah, tahkan dolang pomborihta Kabar Hinut tohou Yesus Kristus. Iro monyiar hal-hal rih bagi'mu umba kowasa Roh Pohotala ijo tongirim-Oh tahkan soruga. Mahihino molehkat-molehkat ka jolik ka'a ngota'an kabar ijo iro nyiaroh rih.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

2 PETRUS 1:19

Orih kotuluioh ihkai labih yahkin hino umba pohtoh Pohotala ijo tonujum bain nabi-nabi. Kopiosoh ihkam nohtoani pohtoh rih, kotului pohtoh rih kolou sumbu ijo nyingah ang unuk ijo pindong, nyiring kaloang ngorolondang tutang kotarang potion tahkan timur nyingah ang luwang ahtoi'mu.