2 KORINTUS 4:5 - BOWOT BOHUA

⁵ Borihta ijo ihkai nyiaroh rih, eam borihta tohou ihkai bongon. Borihta rih anai borihta tohou Yesus Kristus; ijo Io anairih Tuhan; tutang ihkai tuhrih jihpon-jihpon'kam kotului Io.

2 KORINTUS 4:5 ပူးပေါင်းရင်းမြစ်များ

MATEUS 23:8

Tahpi ihkam ara kani tona'ah, ‘Amai Guru,’ bain Guru'kam, tihkas anai ihco tutang ihkam paring hokonduang.

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

YOHANES 7:18

Ulun ijo nonga ajaranoh bongoi, ngurah horomat ahkan aropoh bongoi. Tahpi ulun ijo ngurah horomat bagi Io ijo nyuhuoh, ulun rih bujur, eam aro alik aangoh.

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 2:36

Orih kotuluioh paring ulun Israel pahtut kota'an moro-morong ijo Yesus, ijo ihkam mahpakoh rih. Yesus rih ka'a ijo jari tomotuot Pohotala monjadi Tuhan tutang Lahca Ponyolamat!’’

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

1 KORINTUS 1:23

Tahpi ihto tuh tihkas mborihta Kristus ijo mahtoi ang sopolahki. Borihta rih nyinggung pokomon ulun Yahudi, tutang tongohu tuhtui uong bain ulun-ulun bohkon Yahudi. Tutang ulun bohkon Yahudi ngohu orih ihco kouong.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 12:3

Ihkam harus kota'an, ijo ulun, ijo toniting Roh Pohotala eam tou nuhtui, ‘‘Tonulutrih Yesus!’’ Kodorih ka'a eam ihcobehti ka duon nuhtui, ‘‘Yesus rih Tuhan!’’ Amat ulun rih eam toniting Roh Pohotala.

1 KORINTUS 15:47

Adam ijo pahtukoh tonapa tahkan tana, tahpi Adam ijo koduo asaroh tahkan soruga.

1 KORINTUS 2:2

Tului ahku ius nehkat, ijo kotahin ahku anai hihco ihkam. Ahku eam ahkan monyorihta ino-inon, bohkon tohou Yesus Kristus; khususoh, ijo Io jari mahtoi nyopolahki.

1 KORINTUS 4:15

Kobain ahku ijo monjadi amai ihkam, oluka tousama kolou ulun Kristen, ihkam ius tepun sopulu ribu guru. Ang luwang pombolum'mu kolou ulun-ulun ijo ihco umba Kristus, ahku ijo monjadi amai ahkan'kam, kotului ahku ijo ngomin Kabar Hinut tohou Kristus ahkan'kam.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

2 KORINTUS 1:19

Kotului Yesus Kristus, Anak Pohotala, ijo tomborihta ahkan'kam bain Silas, Timoteus tutang bain ahku bongok, bohkon ulun ‘‘Yo’’ tutang ‘‘Eam’’. Sobalikoh Io monjadi puhtah ‘‘Yo’’, tahkan Pohotala.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

GALATIA 5:13

Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.

PILIPI 1:15

Puna anai pira-pira ang parak iro ijo mborihta Kristus tului hiri ahtoi, tutang kani hojawab, tahpi ijo bohkon mborihta Kristus, tului anai maksud ijo hinut.

PILIPI 2:11

Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

2 TIMOTEUS 2:10

Orihrih kotuluioh ahku tabah ngohtun paringoh rih, bain boguna ahkan ulun-ulun, ijo jari tomitih bain Pohotala, mangat iro ka ngondahpot kosolamatan ijo tononga nguha Kristus Yesus, tutang ijo tonohomboh umba kohajoi ijo abadi.

TITUS 1:11

Ulun-ulun kolouorih harus tomangop bauioh, tului iro monderohrih aro bobuhan umba ajaran-ajaran ijo eam-eam. Iro nguan orih, tihkas kotului kani ngurah utung ijo eam pantas!

2 PETRUS 2:3

Tului iro bokuhu, mahka guru-guru polasu rih ahkan monyorihta ahkan'kam sorihta-sorihta ijo tonongarang bongoi ahkan ngomin utung tahkan ihkam. Tahpi bosara ahkan monopahas hukuman ahkan ngosan iro jari tahi tonyodia, tutang korusak jari tonahtap ahkan iro, rahat ngindoi iro.