2 KORINTUS 4:4 - BOWOT BOHUA

⁴ Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 4:4 ပူးပေါင်းရင်းမြစ်များ

MATEUS 13:22

Bonyi ijo tonuhkan ang tohun ruwut duhi, nindung ulun-ulun ijo ngonih kabar orih, tahpi mihkoh tohou pombolum iro tutang jolik bolum molowi. Tului orih kabar tahkan Pohotala tonohahpit ang luwang ahtoi iro nyiring eam momua.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:18

Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 12:35

Yesus mutah, ‘‘Baya ahkan pondehan iou koloang rih anai ang louk ihkam. Jadi, nyalanrih ihkam kotahin koloang rih magun anai, mangat ihkam ara tonopahas kopindong. Ulun ijo nyalan ang luwang kopindong, eam kota'an nokuhumoh io tulak.

YOHANES 12:40

‘Ahku ngombulenoh mahtan iro, nguan iro mahang ahtoi; mangat mahtan iro ara nohto, tiruk iro ara solembang. Mangat iro ara hoduli nokuh Ahku, turus Ahku ngopios iro.’ ’’

YOHANES 12:45

Tutang ulun ijo nohto Ahku, nohto Io ijo nyuhu Ahku.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 15:24

Jahkaioh ang tohun-tohun iro, Ahku eam nguanoh hal-hal ijo jaha pu'u tonguan ulun bohkon, iro eam bodusa. Tahpi huntuh iro jari nohto inon ijo Ahku nguaioh, tutang iro ngohiri Ahku kanika Amai-Ku.

YOHANES 16:11

tutang ijo Pohotala jari nopara mohukum, kotului okon kolunon tuh jari tonohukum.

YOHANES 8:12

Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

KESAH RASUL-RASUL 26:23

yorih ijo Lahca Ponyolamat, ijo tonobowot Pohotala rih harus ngarot, tutang monjadi ulun ijo pahtukoh bolum hoduli uliius mahtoi; mangat honong rih Io duon mborihtaoh koloang – iorih kosolamatan – pios ahkan ulun-ulun Yahudi oluka ahkan ulun-ulun bohkon Yahudi.’’

1 KORINTUS 10:20

Inon ijo tonosorah ang unuk porahpah ahkan songiangdewa, eam tonyorah ahkan Pohotala, molekan ahkan roh-roh ja'at. Tutang ahku eam kani ihkam hihco umba roh ja'at rih.

2 KORINTUS 2:11

Ahku nguan orih mangat Sehtan ara ngomin kosapetoh ahkan ngowasa ihto; tului ihto kota'an, rancana-rancanaoh.

2 KORINTUS 2:12

Ang ohkot ahku johcok ang Troas, tutang nohuang ahkan mborihta oh Kabar Hinut tohou Kristus, Tuhan jari nguap jalan ahkak'ku ahkan bogawi ang unuk rih.

2 KORINTUS 3:11

Amat aang'co ijo tahan baya pondehan, kodorih londangsilou, puna aang'co ijo abadi labih ngorolondangnyilou hino.

2 KORINTUS 3:14

Tiruk iro jari totutup. Tutang nyiring ang ondou tuh ka tirukihtung iro magun totutup umba sondurung ang ohkot iro mbasa surat-surat tohou bowot ijo tahi rih. Sondurung rih tihkas duon tokuop amat ulun hihco umba Kristus.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

PILIPI 2:6

Aang dasaroh Io sama umba Pohotala, tahpi Io eam komo ijo koada'ai-Oh ijo kopohotalai rih harus tonohtahan-Oh.

KOLOSE 1:15

Kristus anairih gambar ijo korinah gihtan tahkan behtin Pohotala ijo eam gihtan; Kristus anairih anak ijo poohkooh, labih mombahtang tahkan kokaro ijo tona'oioh.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

1 TIMOTEUS 1:11

Ajaran rih ihto sombangoh ang luwang Kabar Hinut ijo monyiaroh tomorocaya ahkak'ku, yorih Kabar Hinut tahkan Pohotala ijo hajo tutang harus tonara.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 6:4

Tului ulun-ulun ijo jari murtad, eam harapan toniting hoduli. Iro lomoi jari anaimohcon ang luwang koloang tahkan Pohotala, tutang jari nginyam ponongan Aiu. Iro jari ka'a umba konowasa bain Roh Pohotala.

2 PETRUS 1:19

Orih kotuluioh ihkai labih yahkin hino umba pohtoh Pohotala ijo tonujum bain nabi-nabi. Kopiosoh ihkam nohtoani pohtoh rih, kotului pohtoh rih kolou sumbu ijo nyingah ang unuk ijo pindong, nyiring kaloang ngorolondang tutang kotarang potion tahkan timur nyingah ang luwang ahtoi'mu.

1 YOHANES 2:11

Tahpi ulun ijo bosingi konduangoh mohcon luwang kopindong. Io nyalan luwang kopindong tutang eam ta'an nokuh umoh io tulak, kotului kopindong rih nguan io eam dahpot nohto.

1 YOHANES 2:8

Oluka kolourih, poretah ijo ahku nyuratoh tuh punai ka'a; tului kotu'uioh dahpot tonohto aang arop Kristus, tutang aang arop ihkam. Tului kopindong mahi-mahi dilap, tutang koloang ijo tu'u jari nopara monyingah.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.