2 KORINTUS 3:6 - BOWOT BOHUA

⁶ Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

2 KORINTUS 3:6 ပူးပေါင်းရင်းမြစ်များ

MATEUS 13:52

Turus Yesus nuhtui, “Bain orih nyinong guru agama, ijo ius monjadi barih Pohotala, sama umba ihcobehti tepun lohpou mopolua tahkan unuk ponahtouoh, ponahtou-ponahtou bohua tutang usang.”

MATEUS 26:28

Tului tuhrih daha-Ku ijo monsah bowot Pohotala – daha ijo tonusuh ahkan aro ulun ahkan pongapun dusan'ndo.

MARKUS 14:24

Ulimba Yesus nuhtui, ‘‘Tuhrih dahak-Ku ijo mondehen bowot Pohotala, daha ijo tonusuh'ku ahkan aro ulun.

LUKAS 22:20

Kolourih ka'a uli kuman, Io nonga sakir anggur rih ahkan iro tutang nuhtui, ‘‘Sakir tuh anairih bowot Pohotala ijo bohua, ijo tonosah umba dahak-Ku – daha ijo tonusuh ahkan ihkam.’’]

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

YOHANES 6:63

Ijo nguan ulun bolum iorih Roh Pohotala. Koba'as ulun eam aro gunaioh. Auh-auh ijo tonuhtui-Ku ahkan'kam tuh, anairih auh-auh Roh Pohotala tutang auh-auh ijo nonga pombolum.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 4:15

Hukum agama Yahudi mopolombut hukum Pohotala. Tahpi amat aturan Pohotala eam aro, mahka polanggar ka'a eam aro.

RUMA 4:17

Kotului Pohotala nuhtui koloutuh ahkan Abraham, ‘‘Ahku ius ngonjorian ihko amai bagi aro uhtus.’’ Kolouorih Pohotala nonga bowot rih ahkan Abraham. Tutang Abraham porocaya umba Io. Io rih Pohotala ijo mombolum ulun mahtoi: Iorih ka'a Pohotala ijo honong nuhtui iu, napa inon ijo eam pu'u anai, monjadi anai.

RUMA 7:6

Tahpi huntuh ihto eam hino konarut ang hukum agama Yahudi. Ihto jari mahtoi toharep hukum ijo lomoioh ngowasa ihto. Ihto eam hino bosorah honong cara ijo usang, numbun hukum ijo sonurat. Huntuh ihto bosorah numbun cara ijo bohua ijo ngorinah bain Roh Pohotala ahkan ihto.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

1 KORINTUS 11:25

Kodorih hino ulimba opah kuman, Io ngomin sakir anggur hawui nuhtui, ‘‘Anggur tuh anairih, bowot Pohotala ijo bohua, tonosah umba dahak-Ku. Nyinong tikat ihkam ngorih tuh, nguanohrih tuh ahkan ngenang Ahku.’’

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

1 KORINTUS 3:10

Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

1 KORINTUS 3:5

Kotu'ui iai Apolos rih? Tutang iai Paulus rih? Ihkai tihkas dolang pohalu Pohotala, ijo ius niting ihkam ahkan porocaya umba Kristus. Ihkai baya molalus gawi ijo tonyuhu Tuhan ahkan ihkai nyinong behti.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 3:14

Tiruk iro jari totutup. Tutang nyiring ang ondou tuh ka tirukihtung iro magun totutup umba sondurung ang ohkot iro mbasa surat-surat tohou bowot ijo tahi rih. Sondurung rih tihkas duon tokuop amat ulun hihco umba Kristus.

2 KORINTUS 3:3

Iro bongoi dahpot nohto, ijo Konduang monjadi surat ijo tonyurat Kristus, ijo tonokirim nguha ihkai. Surat rih eam tonyurat umba dawat, tahpi umba Roh Pohotala ijo bolum; eam ka'a ang ngosan bahtu tulis tahpi ang ahtoi ulun.

2 KORINTUS 3:7

Ang ohkot bowot ijo ngomin popahtoi rih tonapa tutang tomihtik ang bindang bahtu, koloang Pohotala momancar honong ngorolondangsilou ang baun Museh, Koloang-Oh kodorih kosilouoh, nyiring uhtus Israel eam sanggup nopahjah baun Museh, oluka koloang ang bauioh jari nopara kawus ang ohkot rih. Nah, amat gawin bowot, ijo ngonin popahtoi orih ang resmioh umba korolondangsilou ijo kodorih kohajoioh,

2 KORINTUS 3:9

Amat bowot ijo mohukum kolunon rih, kodorih ngolondangsilou, tontu labih ngolondangnyilou hino bowot ijo touduon ngopios ulun umba Pohotala.

GALATIA 3:21

Kuwohrih orih, rimaioh ijo hukum agama bolawan umba bowot Pohotala? Punai iou eam! Tului amat hukum agama tononga, ahkan monyorah pombolum ahkan kolunon, mahka ulun duon hokopios umba Pohotala nguha hukum agama.

EPESUS 2:1

Lomoi ihkam mahtoi socara rohani tului ihkam bodusa tutang noturung poretah-poretah Pohotala.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

EPESUS 3:7

Pohotala nonga ahkak'ku pononga – iotuh gawi – ahkan mborihta Kabar Hinut rih. Ahku norima pononga rih nguha kowasan Pohotala ijo bogawi ang luwang arop'ku.

1 TIMOTEUS 4:6

Amat ihko mongajarrih paringoh rih, ahkan konduang-konduang ihco porocaya, ihko ahkan monjadi pohalu Kristus Yesus ijo bogawi honong pios. Tutang ihko ahkan turus nyiram mboruan'mu umba auh Pohotala ijo ihto porocayaoh, tutang umba ajaran-ajaran ijo morong, ijo jari ihko nututoh kotahin tuh.

2 TIMOTEUS 1:11

Ahkan mborihta Kabar Hinut orihrih Pohotala nyuhu ahku monjadi rasul tutang guru.

IBRANI 12:24

Ihkam lombut noharep Yesus, Poholat ahkan bowot ijo bohua rih; ihkam noharep daha ponalit, ijo monjamin hal-hal ijo labih hinut, tahkanumba ijo tojamin bain dahan Abel.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 7:22

Umba tuh hino, Yesus monjadi jaminan ahkan angihco bowot ijo paling hinut.

IBRANI 8:13

Honong monyapaioh angihco bowot ijo bohua, Pohotala monapa bowot ijo pahtukoh rih, monjadi rutus tutang usang; tutang inon ijo jari rutus, ahkan jeleng hino dilap.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 YOHANES 1:1

Usin surat tuh tohou Auh ijo mononga pombolum, yorih Auh ijo jari anai tahkan pahtuk nopara. Ihkai jari ngonihoh, tutang ihkai jari nohtooh, umba mahtan ihkai bongon. Ihkai jari nopahjahoh, tutang jari nambitoh umba longon ihkai.