2 KORINTUS 3:1 - BOWOT BOHUA

¹ Kuwoh tuh topahjahoh, koloujahka ihkai tara-tara umba-arop 'kai hino? Ata'ai tou tu'u ihkai porulu surat tara ahkan ihkam, ata'ai tahkan ihkam, kolou ijo tomorulu bain ulun-ulun bohkon?

2 KORINTUS 3:1 ပူးပေါင်းရင်းမြစ်များ

KESAH RASUL-RASUL 18:27

Pongohuli Apolos nohuang tulak nokuh Akhaya. Mahka ulun-ulun ijo porocaya umba Yesus ang Epesus nyurat surat ahkan konduang-konduang ijo porocaya ang Akhaya, mangat iro kani norima Apolos. Tutang ohkot Apolos johcok Akhaya, pondohopoh bokorinah paham gunai ahkan ulun-ulun ijo tului ponongaasi Pohotala jari porocaya umba Yesus.

RUMA 16:1

Ahku jorik pokosono konduang ihto ijo bawi, Pebe. Io ndohop ukup Pohotala ang Kengkrea.

1 KORINTUS 10:33

Bolumrih kolou ahku. Ahku ngurahjalan ngojorih ahtoi paring ulun, a'ang kokaron angihco, earo konohuang-konohuang ijo kogunan arop bongon. Titun aik'ku anairih, mangat ahkan iro paringoh dahpot tonyolamat.

1 KORINTUS 16:3

Noin amat ahku lombut, ahku ahkan nyuhu ulun-ulun ijo jari ihkam sotujuoh. Ahku ahkan nonga ahkan iro surat pongitot, mangat iro ngomin duit pononga rih nokuh Yerusalem.

1 KORINTUS 3:10

Umba kotoun ijo tononga Pohotala, ahku kolou ahli mangun, hawuiius ngina galang ahkan gedung rih, tutang ulun bohkon mangun gedung ang isun galang rih. Nyinong ulun harus nohtoanioh moro-morong koloukuwoh io mangunoh ang ngosan galang rih.

1 KORINTUS 4:15

Kobain ahku ijo monjadi amai ihkam, oluka tousama kolou ulun Kristen, ihkam ius tepun sopulu ribu guru. Ang luwang pombolum'mu kolou ulun-ulun ijo ihco umba Kristus, ahku ijo monjadi amai ahkan'kam, kotului ahku ijo ngomin Kabar Hinut tohou Kristus ahkan'kam.

2 KORINTUS 10:12

Tontu bewe ihkai eam bohanyi nindung ata'ai ngina arop 'kai sodorajat umba ulun-ulun ijo ngohu aropoh isung. Eaminon kouongoh iro! Iro napa tihpong bongoi, tutang monilai aropoh bongon umba tihpong orih rih.

2 KORINTUS 10:18

Tului ulun ijo botara, orihrih ulun ijo tonara bain Tuhan, eam ulun ijo monara aropoh bongoi.

2 KORINTUS 10:8

Ahku eam mia, amat ahku harus labih aro namam-namam umba kowasa ijo jari tononga Tuhan ahkan ihkai, kotului kowasa orih, tononga ahkan mangun ihkam, eam ijo ahkan ngahkasoh.

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

2 KORINTUS 12:19

Dahpot jadi ihkam ngohu ihkai kotahin tuh, rahat bousaha mbela arop toharep ihkam? Ihkam koliru samasino! Pohotala ngota'an ijo paring ijo ihkai nuhtui orih anairih numbun kohondak Kristus. Tutang paring ijo ihkai nguai anairih ahkan mangun pombolum homboruan'kam.

2 KORINTUS 2:17

Ihkai eam kolou aro ulun mohapan borihta tahkan Pohotala monjadi ramun dagang iou. Tihtun-tihtun ihkai anai borasih, tului ihkai tonyuhu bain Pohotala. Tutang Pohotala bongoi nopahjah, ijo ihkai monyiaroh borihta orih, kolou pohalu-pohalu Kristus.

2 KORINTUS 5:12

Umba tuh ihkai eam nyawot, mangat ihkam monara arop ihkai. Ihkai baya kani nonga ihco alasan ijo pios ahkan'kam, ahkan monjadi tamam toharep ihkai, mangat ihkam ta'an, koloukuwoh ihkam harus mutah auh ulun-ulun ijo mongguna tapan ulun, tutang eam sipatoh.