2 KORINTUS 2:3 - BOWOT BOHUA

³ Orih kotuluioh ahku nyurat surat tuh ahkan'kam. Ahku eam kani masap'kam, turus tonoporos ahtoi bain ihkam, podahal ihkam ijo koharusoh ngojorih ahku. Tului ahku yakin ijo amat ahku jorih, mahka Konduang paringoh jorih ka'a.

2 KORINTUS 2:3 ပူးပေါင်းရင်းမြစ်များ

1 KORINTUS 4:21

Jadi, ngopili iou inon ijo ihkam labih jolikoh! Inon ihkam kani ahku lombut mangat majar ihkam hawui karas, ata'ai ahku lombut majar hawui kolomun auh tutang ngasi nyayang?

2 KORINTUS 1:15

Tului koyakinan orihrih, mahka ahku aang pahtukoh borocana ahkan masap ihkam, mangat ihkam dahpot borehkat duo tikat.

2 KORINTUS 1:23

Pohotala saksi aik'ku – tului Io taan usin ahtoi aik'ku – ijo ahku eam jadi tulak nokuh Korintus, kotului ahku eam kani nguan ahtoi'kam sedih.

2 KORINTUS 12:11

Tu'u ahku jari nguan 'jo kolou ulun uong – tahpi ihkam ijo nguan ahku jari kolouorih. Kotu'uioh ihkam ijo harus monara ahku. Tului oluka ahku eam anai bororima ino-inon, ahku samasino eam kalah toharep ‘‘rasul-rasul’’ ijo luar biasa rih.

2 KORINTUS 12:21

Ahku mihkoh amat-amat aang ohkot ahku lombut noin Pohotala ahkan porandah ahku ang toharep'kam, tutang ahku ahkan nangih tului aro, ang louk ihkam ijo bodusa lomoi, eam hubah tutang eam tondo nguan gawin-gawin iro ijo kihal, kojilok tutang eam pantas.

2 KORINTUS 13:10

Orihrih kotuluioh ahku nyurat surat tuh, ang ohkot ahku jaha anai ang tohun ihkam. Honong kodorih, amat ahku lombut noin, eam usah ahku botindak karas toharep'kam, honong hapa kowasa ijo tononga Tuhan ahkak'ku. Kowasa orih tononga ahkan mangun ihkam eam ahkan morusak ihkam.

2 KORINTUS 2:9

Ahku nyurat surat tuh ahkan'kam, mangat nohuang ahkan nguji ihkam, inon ihkam turus kani numbun karon-potunjuk tahkan ahku.

2 KORINTUS 7:12

Jadi, oluka ahku jari nyurat surat tuh, ahku nyurat eam kotului ulun ijo bosala rih. Eam ka'a kotului ulun ijo ngorot bain kotului kosala'an rih. Ahku nyurat surat rih, mangat ang toharep Pohotala, ihkam borondong bongom, eaminon kohajoioh konohtoani'kam toharep ihkai.

2 KORINTUS 7:16

Ahku sanang samasino, kotului ihkam duon tomorocaya aang kokaro hal.

2 KORINTUS 7:6

Tahpi torimakasih, ahkan Pohotala hototurus pohajo ahtoi ulun ijo puhtus asa. Io nyanang ahtoi ihkai umba polombut Titus.

2 KORINTUS 7:8

Oluka surat'ku nguan ahtoi'mu monjadi sedih, ahku eam monyasal nyurat surat tuh. Puna aang ohkot ahku nohto, ijo surat'ku tuh monjadi ihkam sedih – oluka kosedihan'mu rih baya honjulu – ahku anai ka'a konyasal.

2 KORINTUS 8:22

Hombo-homboh umba Titus tutang konduang orihrih, ihkai ka'a ngirim ihcobehti konduang ijo bohkon. Ihkai jari nguji io papira tikat tutang korinah io turus pohias mondohop. Tutang huntuh, io labi-labih kani mondohop ihkam tului io ngina koharap ijo hajo aangihkam.

GALATIA 5:10

Oluka kodorih ahku magun porocaya ijo ihkam eam nambit podirian bohkon, bain ihto jari ihco umba Kristus. Tutang ahku yahkin, ijo iai ka ijo nderoh tiruk'kam ahkan tonohukum Pohotala.

2 TESALONIKA 3:4

Tutang ihkai porocaya towi ahkan Tuhan tohou ihkam, ijo ihkam rahat nguanrih tutang ahkan turus nguanrih, inon ijo ihkai ngajaroh ahkan ihkam.

PILEMON 1:21

Ahku nyurat surat tuh kotului yahkin ijo Konduang ahkan molalus inon ijo ahku nyawot. Molekan ahku ta'an Konduang ahkan nguan labih tahkan orih.