2 KORINTUS 2:12 - BOWOT BOHUA

¹² Ang ohkot ahku johcok ang Troas, tutang nohuang ahkan mborihta oh Kabar Hinut tohou Kristus, Tuhan jari nguap jalan ahkak'ku ahkan bogawi ang unuk rih.

2 KORINTUS 2:12 ပူးပေါင်းရင်းမြစ်များ

KESAH RASUL-RASUL 14:27

Kotihka johcok ang Antiokhia iro mohaum ulun-ulun tahkan ukup rih, turus mborihta paringoh ijo ius konuan bain Pohotala nguha iro. Iro nyorihta ka'a tohou koloukuwoh Pohotala jari nguap jalan mangat ulun-ulun ijo bohkon Yahudi, porocaya umba Yesus.

KESAH RASUL-RASUL 16:11

Ihkai nohtah Troas tutang bolayar turus nokuh Samotrake, tutang hawunoh hino nokuh Neapolis.

KESAH RASUL-RASUL 16:8

Jadi iro nihti Misia tutang turus nokuh Troas.

KESAH RASUL-RASUL 20:8

Luwang tahkun ang tikat diang, unuk ihkai hopuhpung rih aro sumbu.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

1 KORINTUS 16:9

Aro kosapetoh ang ohtoi ahkan karon-gawi ijo boguna, olu ka aro ka'a ulun ijo molawan.

1 KORINTUS 9:12

Amat ulun-ulun bohkon anai hak bokoharap tuh tahkan ihkam, eamkah ihkai labih bohak hino tahkan iro? Tahpi ahku jaha nguna hak orih. Tobalikoh, ahku labih jolik ngohtun kokaron angihco, tahkan mopolombut angihco hal ijo mongapeng monyiar Kabar Hinut tohou Kristus.

1 KORINTUS 9:14

Kodorih ka'a Tuhan jari nuhkas, ijo ulun ijo mborihtaoh Kabar Hinut rih koharusoh duon upahoh tahkan tomorihtaoh rih.

1 KORINTUS 9:16

Tului, amat orih baya soal mborihta Kabar Hinut tahkan Pohotala, mahka ahku eam anai hak monamam-namamoh, kobain Pohotala jari nyuhu ahku ahkan nguaioh. Colahka ahku, amat ahku eam mborihta Kabar Hinut rih.

2 KORINTUS 10:14

Jadi, kotihka ihkai masap'kam tutang ngomin Kabar Hinut tohou Kristus ahkan'kam, ihkai tu'u-tu'uoh eam nokalou tahkan tihkas-tihkas daerah gawin 'kai.

2 KORINTUS 11:4

Kotului kolouoh ihkam sanang iou, norima ulun ijo lombut ahkan'kam, tutang majar tohou Yesus ijo bohkon – eam Yesus ijo ihkai pokosonooh ahkan'kam. Tutang ihkam kani ka'a nyambut roh tutang ‘‘Kabar Hinut’’ ijo samasino hokobohkon umba Roh Pohotala tutang Kabar Hinut ijo pu'u ihkam norimaoh tahkan ihkai.

2 KORINTUS 11:7

Ang ohkot ahku mborihta Kabar Hinut tahkan Pohotala ahkan'kam, ahku eam nyawot ihkam ngupah ahku honjiot ka; tutang honong kodorih ahku nguan arop'ku monjadi randah. Ahku nguan rih unuk ngahtang'kam. Inon orih ihco kosalak'ku toharep ihkam?

2 KORINTUS 4:3

Amat Kabar Hinut ijo ihkai mborihtaoh tuh, magun ka'a jaha tongosonooh, mahka baya ulun-ulun ijo rahat nihtu korusak iou ijo eam mongosonooh.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 8:18

Homboh umba io ihkai ngirim ka'a ihcobehti konduang, ijo tonohoromat ang paring ukup, kotului gawiuoh mborihta Kabar Hinut tahkan Pohotala.

2 KORINTUS 9:13

Tutang tahkan kobajikan ijo ihkam ngorinahoh rih, aro ulun Kristen ang Yudea ahkan monara Pohotala kotului iro nohto kosotia'kam norima Kabar Hinut tohou Kristus ijo ihkam nututoh orih. Ka'a iro monara Pohotala, tului ihkam puna murah ahtoi ahkan mbagi-bagioh ahkan iro, tutang ahkan paring ulun bohkon, inon ijo anai ang ihkam.

KOLOSE 4:3

Bodo'a ka'a ahkan ihkai mangat Pohotala nonga ahkan ihkai kotihka ijo pios ahkan monyiaroh, borihta tohou rahasia Kristus. Kotului hal orihrih mahka ahku huntuh anai ang luwang sipir.

1 TESALONIKA 3:2

pondehan ihkai nyuhu konduang ihto Timoteus. Io ihcobehti pohalu Pohotala, ijo bogawi homboh ihkai ahkan momborihta Kabar Hinut tohou Kristus. Ihkai monyuhu Timoteus ahkan'kam, mangat io ngomba'as ihkam tutang juhung ihkam, ahkan labih porocaya hino umba Kristus.