2 KORINTUS 13:9 - BOWOT BOHUA

⁹ Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

2 KORINTUS 13:9 ပူးပေါင်းရင်းမြစ်များ

RUMA 15:2

Tombolikoh ihto nyino-nyinong koharusoh monyanang ahtoi sosama konduang ihto ahkan kopiosoh, mangat koyakinanoh botambah ba'as.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 2:3

Kotihka ahku anai umba ihkam, ahku bolomu tutang moruguh mihkoh.

1 KORINTUS 4:10

Kotului Kristus, ihkai anairih ulun ijo uong, tutang ihkam ulun Kristen ihco ahpik! Ihkai bolomu, ihkam ba'as! Ihkai tonocela, tutang ihkam tonyanjung-nyanjung.

2 KORINTUS 11:30

Nah, amat ahku harus monamam angihco mahka ahku namam hal-hal ijo ngorinah kolomuk'ku rih.

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

2 KORINTUS 13:4

Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

2 KORINTUS 4:12

Jituh rimai ijo ang luwang arop ihkai popahtoi rahat giat molalus porananoh, tahpi ihkai jorih, ijo pombolumrih ijo rahat giat ang luwang behtin'kam.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

KOLOSE 1:28

Kristus orihrih ijo ihkai mborihtaoh ahkan nyinong ulun. Ihkai mepingatoh tutang majar iro paringoh umba kokaro kopihtar. Titun ihkai iorih, mangat nyinong ulun dahpot tongitot ahkan Pohotala, kolou ulun ijo oko a'ang hal-hal rohani, kotului jari hihco umba Kristus.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

1 TESALONIKA 3:10

Hondou ngolomi ihkai nyawot umbaroh, honong kotuwiahtoi, mangat ihkai dahpot hosombang bongon umba ihkam, ahkan monyukup inon ijo ihkam poruluoh ahkan porocaya ahkan Kristus koloukuwoh kopahtutoh.

2 TIMOTEUS 3:17

Umba Surat Borasih rih, ulun ijo mohalu Pohotala dahpot tonyuhkup honong soporuna ahkan kokaron mahcam gawi ijo hinut.

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.