2 KORINTUS 13:5 - BOWOT BOHUA

⁵ Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! – bohkon haloh amat puna ihkam eam tu'u-tu'u porocaya.

2 KORINTUS 13:5 ပူးပေါင်းရင်းမြစ်များ

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 15:4

Tohtaprih hihco umba Ahku tutang Ahku ka'a ahkan tohtap hihco a'ang ihkam. Da'an bongoi eam tou momua, kocoali amat io tohtap aang batangoh. Kodorih ka'a ihkam tihkas tou momua, amat tohtap hihco a'ang Ahku.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

YOHANES 17:26

Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 6:56

Ulun ijo kuman usi-Ku tutang ngorih daha-Ku, io hihco honong Ahku, tutang Ahku honong io.

YOHANES 6:6

Yesus jari ta'an inon ijo ahkan konuai-Oh, tahpi Io nuhtui kolourih Io kani monguji Pilipus.)

RUMA 1:28

Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

RUMA 8:10

Tahpi amat Kristus bolum ang luwang behtin'mu, mahka oluka behtin'kam ahkan mahtoi tului dusa, tahpika Roh Pohotala nonga pombolum ahkan'kam, kotului kohihco umba Pohotala jari pios.

1 KORINTUS 11:28

Jadi, nyinong ulun harus moriksa aropoh houn, punai io tou kuman ruhte tutang ngorih anggur orih.

1 KORINTUS 11:31

Tahpi amat ihto moriksa arop ihto labih houn, ihto eam ahkan tonohukum bain Pohotala.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

1 KORINTUS 6:15

Konduang-konduang kota'an ijo behtin'kam anai ramun behtin Kristus. Jadi, inon tou ahku ngomin ihco ramun behtin Kristus, turus monjadioh ramun behtin 'cobehti sundal? Samasino eam!

1 KORINTUS 6:19

Ihkam harus ngota'an ijo behtin'mu anai unuk mohcon Roh Pohotala. Roh rih mohcon ang luwang ihkam. Tutang Pohotala bongoi ijo nonga Roh rih ahkan'kam. Behtin Konduang rih eam ain emu. Orih ain Pohotala.

1 KORINTUS 6:2

Kuwoh ihkam eam kota'an ijo ukup Pohotala, ahkan mosara kolunon tuh? Jadi, amat puna ihkam ahkan mosara kolunon tuh, kuwoh ihkam eam sanggup ngobuah, karon-porokara mosara ijo eam anai rimai?

1 KORINTUS 9:24

Konduang puna ta'an, ijo ang a'ang hosolanja, koparing ulun umba nokoru, tahpi baya ihcobehti ulun norima hadiah. Bain tului orih, nokoru kodorih kolouoh, nyiring Konduang norima hodiahoh.

1 KORINTUS 9:27

Ahku nolua behtik'ku bolatih honong karas nyiring ahku dahpot mongowasaoh. Ahku nguan kolouorih rih, tului ahku eam kani nyiring nyolung, ijo jari ahku ngihit ulun bohkon umba a'ang solanja rih, ahku bongok tonulak.

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

GALATIA 6:4

Nyinong ulun harus moriksa bongoi inonrih hadatdasaroh rih pios ata'ai ja'at. Amat pios io tou komo tamam ngosan hal rih. Tahpi eam usah io monyamaoh umba inon ijo tonguan ulun bohkon.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

KOLOSE 2:19

nyiring eam hino monambit aang Kristus, ijo monjadi kopala A'ang pinda totiring Kristus sohopus behtiu tonohaga tutang tonohihco bain sahpan-sahpanoh, hawui bolum numbun konohuang Pohotala.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

1 TIMOTEUS 2:15

Oluka kodorih, ulunbawi ahkan solamat kotului nganak anak, asar io honong randah ahtoi, tehtep porocaya umba Kristus, tutang tehtep ngasih ulun bohkon, hawui bolum khusus ahkan Pohotala.

2 TIMOTEUS 3:8

Samakoloukuwoh rih Yanes tutang Yambres molawan Museh lomoi, kodorihrih ka'a ulun-ulun orihrih molawan ajaran tahkan Pohotala. Tiruk iro jari rusak, tutang koporcaya iro jari sokarah.

TITUS 1:13

Inon ijo tonuhtui bain nabi rih puna morong. Orih kotuluioh ihko harus ningak iro hawui tegas; mangat iro tohtap nambit ang ajaran ijo morong,

TITUS 1:16

Iro nuhtui ijo iro kosono Pohotala, padahar gawin iro ngobeleoh. Iro ngojilokoh, tutang iro eam kani te'et; iro anairih ulun-ulun ijo eam dahpot nguan ang'co ijo hinut.

TITUS 2:2

Ningakrih ulun-ulun bahkas ijo ohko, mangat iro nahan aropoh, bijaksana tutang bolum kolou ulun ijo pahtut tonohoromat. Iro harus ka'a nambit aang ajaran ijo morong tahkan Pohotala, mongasih honong soporuna, tutang ngarot honong tabah.

IBRANI 12:15

Bojagarih, ara nyiring anai ihcobehti ka ijo soluka tahkan barih kopios ahtoi Pohotala, mangat ara anai ijo monjadi kolou kombulan bosowui ang tohun-tohun ihkam nyiring polombut kosusah tutang korusak aro ulun bain sowuioh.

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

IBRANI 6:8

Tahpi amat tana rih polombutbua tingan tutang tumbu ruwut duhi, mahka tana orih eam anai gunai tutang noin ahkan tonulut bain Pohotala tutang laiuoh tonyaha lingis.

YAKOBUS 4:4

Ihkam anairih ulun ijo eam tehtep! Kota'anrih ihkam, ijo amat ihkam hopahkat umba kolunon, mahka ihkam monjadi musuh Pohotala? Jadi dolangiai kani monjadi sobat kolunon tuh, io ngonjodian aropoh musuh Pohotala.

1 PETRUS 5:9

Lawan io umba koporocaya ijo segah, tului ihkam kota'an ijo konduang-konduang sosama Kristen bohkonoh, ang sohopus kolunon ka'a ngarot kolou ihkam.

PONGORINAH 2:5

Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.