2 KORINTUS 13:4 - BOWOT BOHUA

⁴ Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

2 KORINTUS 13:4 ပူးပေါင်းရင်းမြစ်များ

YOHANES 10:18

Eam aro ihcobehti ka duon ngomiuoh tahkan Ahku. Ahku nyarahoh ngosan konohuang-Ku bongok. Ahku bokowasa ahkan nyarahoh, tutang bokowasa ngomiuoh huli. Orihrih gawik'ku ijo Ahku torima tahkan Amai-Ku.’’

KESAH RASUL-RASUL 2:36

Orih kotuluioh paring ulun Israel pahtut kota'an moro-morong ijo Yesus, ijo ihkam mahpakoh rih. Yesus rih ka'a ijo jari tomotuot Pohotala monjadi Tuhan tutang Lahca Ponyolamat!’’

KESAH RASUL-RASUL 3:16

Konduang-konduang jari nohto tutang monyaksioh, inon ijo nyolung umba ulun bolomu tuh. Io jari nyolung ba'as tutang pios huli kotului io porocaya umba Yesus tutang kowasa-Oh. Tului porocaya ahkan Yesus mahka ulun tuh jari monjadi pios huli, aang toharep Konduang-konduang paring.

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

RUMA 14:9

Kristus ius mahtoi tutang bolum hoduli. Orih kotuluioh Io monjadi Tuhan ahkan ulun-ulun ijo bolum tutang ka'a ahkan ulun-ulun ijo jari mahtoi.

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

1 KORINTUS 1:25

Kotului ijo gihtan ko-uong aang Pohotala, anai lobien pihtar tahkan kopihtaran kolunon; tutang ijo gihtaioh bolomu aang Pohotala, orih molowi ba'as tahkanumba koba'as kolunon.

1 KORINTUS 15:43

Ang ohkot behti rih tonanom, behti rih maram tutang bolomu; tahpi ang ohkot io tonombolum hoduli, io anairih behti ijo pios tutang ba'as.

1 KORINTUS 2:3

Kotihka ahku anai umba ihkam, ahku bolomu tutang moruguh mihkoh.

1 KORINTUS 6:14

Pohotala jari mombolum behtin Tuhan Yesus tahkan popahtoi, kodorih ka'a Pohotala ahkan mombolumoh ihto, hapa kowasa-Oh.

2 KORINTUS 10:10

Ulun nuhtui, ‘‘Surat-surat Paulus rih tegas tutang bopongaroh, tahpi amat io bongoi anai ang tohun-tohun ihto, aropbongoioh bolomu tutang tuhtui-tuhtuioh eam borima ino-inon.’’

2 KORINTUS 12:10

Jadi, ahku jorih umba kolomu-kolomu'ku rih. Ahku ka'a jorih amat bain kotului Kristus ahku tonopitnah, ahku buah kohapit, toduru-duru tutang ahku nyuru kosusah. Tului amat ahku bolomu, mahka ang ohkot orih rih, justru ahku ba'as.

2 KORINTUS 13:9

Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

PILIPI 3:10

Ihco-ihcooh ijo ahku jolikrih, iorih mangat ahku kosono Kristus, tutang nyuru kowasa ijo mbolum Io tahkan popahtoi. Ahku jolik umba karot homboh Io, tutang monjadi sama kolou Io aang popahtoi-Oh.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.