2 KORINTUS 12:2 - BOWOT BOHUA

² Ahku ngosono ihcobehti Kristen ijo opat bolas toun ijo soun, tonongahtang nokuh unuk ijo pongoisungoh ang soruga. (Ahku eam ta'an inon behtiu oh moro-morong konahtang ata'ai rih tihkas ihco ponopahjah – Pohotala iou ijo kota'an.)

2 KORINTUS 12:2 ပူးပေါင်းရင်းမြစ်များ

LUKAS 24:51

Pondehan Io nguan orih rih, Io hogahtang nokuh soruga, turus hopisah tahkan iro.

YOHANES 6:56

Ulun ijo kuman usi-Ku tutang ngorih daha-Ku, io hihco honong Ahku, tutang Ahku honong io.

KESAH RASUL-RASUL 14:6

Tahpi rasul-rasul rih borondong umba koada'an orih turus mokila nokuh Listra tutang Derbe, iorih lowu-lowu ang Likaonia tutang nokuh tana hokodilingoh.

KESAH RASUL-RASUL 22:17

‘‘Ahku hoduli nokuh Yerusalem tutang kotihka ahku uhun bodo'a ang Lohpou Tuhan, ahku konowasa Roh Pohotala.

RUMA 16:10

Tabe ahkan Apeles. Kokehtepoh umba Kristus jari gihtan. Tabe'ku ka'a ahkan bobuhan Aristobulus,

RUMA 16:3

Nyampaioh tabe'ku ahkan Priskila tutang Akwila jolahak'ku ijo hombo-homboh bogawi ahkan Kristus Yesus.

RUMA 16:7

Nyampaioh ka'a tabe'ku ka'a ahkan Andronikus tutang Yunias. Iro ihcolihting uhtus umba ahku tutang pu'u nyolong sipir hombo-homboh ahku. Houn umba ahku porocaya umba Kristus, iro soun porocaya. Iro bosewut louk dolang rasul.

RUMA 16:9

Nyampaioh iou horomat'ku umba Urbanus, jolahan ihto ijo bogawi hombo-homboh umba ihto, ahkan Kristus. Ka'a horomat'ku ahkan Stakhis ijo ahku ngasioh.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

2 KORINTUS 11:11

Ombai ahku nuhtui kodorih? Inon bain kotului ahku eam mongasih ihkam? Pohotala kota'an ahku mongasih.

2 KORINTUS 13:5

Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! – bohkon haloh amat puna ihkam eam tu'u-tu'u porocaya.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 1:22

Nyiring ang kotihka rih ukup-ukup Kristen ang Yudea magun jaha kosono ahku cara hotoharep.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

EPESUS 4:10

Tutang Io ijo jari nosuluh rih, Iorih ka'a ijo nuhkat johcok nokuh unuk ijo mahcu labih diang, tahkan kokaron langit nyiring sohopus pinda langit bosuang umba koanaipolombut-Oh.

1 TESALONIKA 4:17

Uliorih ihto ijo magun bolum ang ohkot rih ahkan hombo-homboh hogatang umba iro nohkuh luwang bounondou-bounondou ahkan hosombang umba Tuhan ang diang. Turus ihto ahkan mohcon umba Tuhan turus-jahamoh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 9:24

Kotului Kristus eam nyolong nokuh Ruang Borasih tapan kolunon, ijo baya jadi gambar Ruang Borasih ijo kotu'uioh. Kristus nyolong nokuh soruga bongoi; ang anan Io huntuh noharep Pohotala ahkan kogunan ihto.

PONGORINAH 1:10

Aang ondou Tuhan, ahku konowasa bain Roh Pohotala turus ahku ngonih auh ijo muhing – kolou auh trompet – pander ang lihkut'ku.

PONGORINAH 12:5

Turus ulunbawi rih nganak ihcobehti anak bahkas, ijo ahkan moretah paring uhtus umba sukah bosi. Tahpi anak rih, tonosuwit tahkan ulunbawi rih, turus tonomin nokuh Pohotala tutang noharep pododusai-Oh.

PONGORINAH 4:2

Turus iou ahku konowasa Roh Pohotala. Turus ahku nohto ang soruga anai ihcokobawak pododusan, tutang anai ihcobehti tuot ang pododusan rih.